| e-texts navigator |
| Wylie |
49a1 དཀར་བེར་ཆེན་གསོལ།། ཆིབས་སུ་གནམ་རུ་དཀར་པོ་བཅིབས།། ཐར་པ་ནག་པོ་རུ་ཏྲའི་གཙོ།། མཆོད་གཏོར་དུག་ཐུན་ཕྱག་ན་བསྣམས།། ཞིང་ལྤགས་གྱོན་ཏེ་དོམ་ནག་བཅིབས།། དམུ་བདུད་རྗེ
49a2 དཔོན་ནག་པོ་ནི།། དར་ནག་འཕྱར་ཞིང་སྟི་ར་འདྲད།། བེར་ནག་གསོལ་ཞིང་དམུ་རྟ་བཅིབས།། མུ་སྟེགས་ཀ་ལ་ཡག་ཤ་ནི།། མཐིང་ནག་ཁ་ཊཱཾ་ཏྲི་ཤཱུལ་འཛིན།། ཞིང་ལྤགས་བགོས་ཏེ་མ་ཧེ་བཅིབས།། ཁྱབ་འཇུག
49a3 རོག་ཏི་ནག་པོ་ཡང་།། ཁྲམ་ཤིང་དགྲ་སྟ་ཕྱག་གིས་འཛིན།། སྤྲིན་ནག་བགོས་ཏེ་འབྲུག་སྔོན་བཅིབས།། ཀླུ་རྒྱལ་བ་རུ་ཎ་ཡི་རྗེ།། སེར་ནག་སྦྲུལ་གྱི་ན་བཟའ་གསོལ།། བུམ་པ་རུས་སྦལ་ཕྱག་གིས་འཛིན།། ཆིབས་སུ
49a4 ཆུ་སྲིན་མགོ་དགུ་བཅིབས།། རྒྱལ་པོ་ཧར་མཛེས་ཞེས་བྱ་བ།། མདོག་དཀར་ཤེལ་གྲི་དར་དཀར་འཛིན།། སྲས་མཆོག་འབར་བ་དམར་པོ་སྟེ།། མདུང་རིངས་གཡས་ལ་ཤན་གྲི་གཡོན།། རྡོ་རྗེ་མཛེས་པ་མདོག་དམར
49a5 པོ།། རུ་མཚོན་དགྲ་སྟ་ཕྱག་གིས་འཛིན།། ཁི་ལེ་ལག་དགུ་འབར་བ་ཡང་།། མདོག་གསེར་སྤྲུལ་པའི་ལག་དགུ་འགྱེད།། ཞིང་ལྤགས་བགོས་ཤིང་སྟི་ར་གནོན།། དྲག་སྔགས་བདག་པོ་གཙོ་འཁོར་ཡང་།། རང་གི
49a6 རིགས་ཀྱི་འཁོར་འདུལ་བ།། སོ་སོའི་སྤྲུལ་པ་བསམ་མི་ཁྱབ།། གཅོད་པར་བྱེད་པ་བདུད་ཀྱི་སྡེ།། འཆི་བར་བྱེད་པ་གཤིན་རྗེའི་སྡེ།། གསོད་བྱེད་ཤན་པ་སྲིན་པོའི་སྡེ།། གདུག་རྩུབ་འཆང་བ་གནོད་སྦྱིན་སྡེ།། དྲག
iiif viewer powered by OpenSeadragon
