| e-texts navigator |
| Wylie |
47b1 ཀྱིས། ལས་ཀྱི་མཐའ་སྦྱར་མ་ལུས་པར།། ངའམ་ང་དང་འདྲ་བ་ཡི།། རྡོ་རྗེ་འཛིན་པ་གཞན་རྣམས་ཀྱིས།། ཕྱི་ནང་གསང་བའི་ལས་རྣམས་ཀྱིས།། གང་ལ་བསྔགས་པ་དེ་དག་སྦྱར།། གཞན་གྱིས་ཐེ་ཚོམ་མི་བྱ་སྟེ།། ང
47b2 དང་དུས་གསུམ་སངས་རྒྱས་ཀྱིས།། དེ་ལ་རིག་པར་སྣང་བ་ཡིན།། ཞེས་བཀའ་སྩལ་ཏོ།། དྲག་སྔགས་འདུས་པ་རྩ་བའི་རྒྱུད་ལས་ཕྲིན་ལས་དམིགས་པའི་ཁྱད་པར་ལས་སྦྱར་བའི་ལེའུ་སྟེ་དགུ་པའོ།། །། དེ་ནས
47b3 རྡོ་རྗེ་འཛིན་པ་ཡིས།། ཡོན་ཏན་བསྟོད་པ་འདི་གསུངས་སོ།། ཧཱུཾ་དུར་ཁྲོད་ཆེན་པོའི་རོལ་པའི་དཀྱིལ་འཁོར་ནས།། གཏུམ་དྲག་མེ་ལྟར་འབར་བའི་གཞལ་ཡས་ན།། གདུག་བྱེད་རུ་ཏྲ་སྟི་རའི་ཁྲི་སྟེང་ན།། མདངས་ལྡན
47b4 ཉི་ཟླ་པདྨའི་གདན་སྟེངས་ན།། དྲེགས་པའི་བདག་པོ་རྡོ་རྗེ་འཛིན་པའི་གཙོ།། བཅོམ་ལྡན་དཔལ་ཆེན་སྟོབས་ལྡན་ནག་པོ་ནི།། སྐུ་མདོག་མཐིང་ནག་རབ་ཏུ་འབར།། ས་དགུ་རྫོགས་པས་དབུ་དགུ་བསྟན།། སྟོང་པ
47b5 བཅཝ་བརྒྱད་ལྡན་པའི་ཕྱག། ཞབས་ཀྱིས་བརྗིད་པའི་བདུད་བཞི་གནོན།། དབུས་མཐིང་གཡས་དཀར་གཡོན་དམར་བས།། ཁྲོ་ཞིང་བཞད་དང་གཙིགས་པའི་ཞལ།། རལ་པ་ཁམ་ནག་སྲིད་རྩེར་འབར།། ཁམས
47b6 གསུམ་མ་ལུས་སྤྱན་གྱིས་གཟིགས།། ཤངས་ཀྱིས་སྲིད་གསུམ་མ་ལུས་རྔུབ།། སྙན་གྱིས་སྟོང་གསུམ་འབྲུག་སྒྲས་འགེངས།། ཚེམས་ཀྱིས་གནོད་གདུག་མ་ལུས་སྒྲོལ།། ལྗགས་ཀྱིས་གློག་དམར་འཇིག་རྟེན་ཁྱབ།། ཁྲོ
iiif viewer powered by OpenSeadragon
