| e-texts navigator |
| Wylie |
44b1 བཅས།། ལས་ཀྱི་དབྱེ་བ་བསམ་མི་ཁྱབ།། དྲེགས་པའི་བདག་པོ་སོ་སོ་ཡི།། རང་བཞིན་དགོས་པའི་བྱེ་བྲག་གིས།། དུས་གསུམ་སངས་རྒྱས་བསྟན་པ་དག། ཚུལ་བཞིན་སྲུང་བའི་དམ་ཚིག་ཅན།། དྲག་སྔགས་ལས་ཀྱི
44b2 དམོད་པ་ལ།། བརྒྱ་དང་བཅུ་གཉིས་བཅུ་དྲུག་གིས།། ནུས་པ་རྫུ་འཕྲུལ་མཐུ་ལ་སོགས།། རང་གི་རིགས་ལ་གང་བསྔགས་པ།། དེ་དང་དེ་ལ་རབ་སྦྱར་བས།། ལས་ཀྱི་མཐའ་ལ་གང་དམིགས་པ།། རྡོ་རྗེ་ཅན་གྱིས
44b3 ཡོངས་གྲུབ་སྟེ།། ང་ཡི་སྟོབས་དང་ནུས་པ་དང་།། མཐུ་དང་རྫུ་འཕྲུལ་ཡོན་ཏན་ཚོགས།། ལུས་ངག་ཡིད་ཀྱིས་རབ་འབད་པ།། གང་ཡིན་དེ་ལ་མངོན་པར་འབྱུང་།། དེ་ཡི་ཐུན་མོང་ཡོངས་འགྲུབ་ཅིང་།། མཐར་ཕྱིན་པ
44b4 ཡང་ལེན་པར་བྱེད།། འདི་ལས་མ་འོངས་རྙོག་པ་ཅན།། ཐེ་ཚོམ་བསྐྱེད་པར་མ་བྱེད་ཅིག། ང་དང་རྒྱལ་བ་ཐམས་ཅད་ཀྱིས།། འདི་ནི་རབ་ཏུ་བསྔགས་པའོ།། ཞེས་བཀའ་སྩལ་ཏོ།། དྲག་སྔགས་འདུས་པ་རྩ་བའི་རྒྱུད
44b5 ལས་དྲེགས་པ་ཅན་གྱི་སྡེ་རིགས་དབྱེ་བ་བསྟན་པའི་ལེའུ་སྟེ་བརྒྱད་པའོ།། །། དེ་ནས་རྡོ་རྗེ་འཛིན་པ་ཡིས།། ལས་ལ་སྦྱར་བའི་རིམ་པ་གསུངས།། དུར་ཁྲོད་ཆུ་གླིང་རི་རྩེ་དང་།། ཆུ་འདུས་ངམ་གྲོག་འཇིགས་སུ
44b6 རུང་།། ཕུང་ཤུལ་ནགས་ཁྲོད་མ་རུངས་པ།། དྲེགས་པ་ལས་ཀྱི་གནས་ཡིན་ནོ།། མི་རུས་མི་གསད་ཕུང་ཤུལ་ས།། རྔུར་ཟད་ཕེ་ཏ་རུལ་ཆད་ས།། ས་སྨིན་དྲི་ཆེན་མ་རུངས་ཁྲག། ལས་ཀྱི་རྟེན་འབྲེལ་དམིགས་པའི
iiif viewer powered by OpenSeadragon
