| e-texts navigator |
| Wylie |
44a1 ཕུང་པོ་ཁོ་ནའོ།། རྒྱལ་པོ་བླ་རྗེ་བྲམ་ཟེ་དང་།། དམངས་དང་གདོལ་པ་ཅན་རྣམས་ཀྱིས།། ཉི་ཤུ་རྩ་ལྔའི་ཡན་ལག་འགྱུར།། ཐ་དད་རིགས་ནི་སྡེ་ཡིན་ནོ།། འདི་དག་ཐོག་མའི་ལས་ཀྱི་དངོས།། དངོས
44a2 དང་རང་བཞིན་མཚན་ཉིད་ཀྱིས།། མ་རིག་འཁྲུལ་པའི་གཟུང་འཛིན་བྱུང་།། བདག་བལྟ་བག་ལ་ཉལ་དུ་གནས།། གཡོ་འགུལ་ཕྲ་མོའི་ཀུན་ནས་ལྡང་།། འཁྲུག་ཅིང་འཚེ་དང་རྩོད་པར་ཤར།། བསོད་ནམས་ལས་དང
44a3 དེ་མ་ཡིན།། ལས་ཀྱི་མཐའ་གཉིས་གཡང་སར་ལྷུང་།། གནག་ཅིང་མི་དགེ་ཟག་པར་བཅས།། ཁ་ན་མ་ཐོ་ལུང་མ་བསྟན།། ལོག་པ་ལུས་ངག་ཡིད་གསུམ་གྱིས།། གནས་ངན་ལེན་པའི་རྒྱུན་ཆགས་འཐུད།། དུས
44a4 གསུམ་ཕྱོགས་དང་བཅས་པ་ཡི།། རྗེས་སུ་འགྲོ་དང་བཟློག་པ་ཡིས།། འཁོར་བ་བརྟེན་གཞི་དམ་པོ་བཙུགས།། སོ་སོར་མ་རིག་སྲོག་ལ་གཅོད།། ལོངས་སྤྱོད་འཕྲོག་ཅིང་རྣམ་པར་འཚེ།། གཟི་མདངས་འབྱོར་པ་སྡེ
44a5 དང་བཅས།། གང་ཡིན་འཇོམས་ཤིང་རླག་ནུས་ལ།། རྒྱུད་ལ་སྡུག་བསྔལ་སྐྱེད་བྱེད་པ།། མ་རུངས་ཉེས་པ་འབྱིན་བྱེད་ལས།། སྲོག་ལེན་ཚེ་འཕྲོག་གཅོད་དང་ཤ། མྱོས་འཐིབས་བྱི་ནད་རིམས་དང་ཡམས།། གཅོག
44a6 འགྱེལ་གདུག་པའི་ནང་འབེབས་ཤིང་།། རྨེ་དང་འཁྲུགས་པ་རྩོད་པ་དང་།། ཐོར་ཤོད་ལས་དང་དམོད་པ་ཡིས།། རང་གི་སྡེ་ལས་རེ་རེ་ཡང་།། ཀུན་ལ་ཁྱབ་པ་བརྒྱད་བརྒྱད་དེ།། དྲུག་ཅུ་རྩ་དྲུག་ཡན་ལག
iiif viewer powered by OpenSeadragon
