| e-texts navigator |
| Wylie |
43b1 གཏུམ་པས་མི་འཆོར་བ།། གཟའ་ཞེས་བྱ་བར་བརྗོད་པ་ཡིན།། བླུན་ཞིང་མྱོས་པས་ཀླུ་ཞེས་བྱ།། འགྲོ་བ་རིགས་དྲུག་སོ་སོ་ལ།། བདུད་དང་ལྷ་དང་ལྷ་མིན་ཏེ།། གནོད་སྦྱིན་གཟའ་དང་རྒྱུ་སྐར་བཅས།། རྒྱལ་ཆེན
43b2 རིགས་བཞིའི་ལྷ་ཡི་སྡེ།། མ་མོ་སྲིན་མོ་མི་ཡི་སྡེ།། གཤིན་རྗེ་ཡི་དྭགས་སྡེ་ཡིན་ཏེ།། ཀླུ་ནི་བྱོལ་སོང་སྡེ་ཡིན་ནོ།། བདུད་རིས་ཕོ་དང་མོ་ཡི་རིགས།། ཡེ་ནས་གནས་དང་བློ་བུར་བྱུང་།། འཐབ་དང་མྱོས་དང་དྲེགས་པར
43b3 བྱེད།། སྲེད་དང་ཆགས་པར་བྱེད་པ་སྟེ།། གཤིན་རྗེ་ལས་དང་ཞི་བས་སྟེ།། གཟུགས་ཅན་གཟུགས་མེད་དབང་ཅན་དང་།། དབང་མེད་ཕྱིར་དང་ནང་ཁྱད་པར།། ལས་ཀྱིས་རབ་ཏུ་བསྒྲིམས་པ་ཡི།། སྲིན་པོ་ཤ་ཟ་རྒན
43b4 མོ་ཅན།། སྤྲུལ་པ་དང་ནི་གཟུ་ལུམས་ཅན།། རབ་ཏུ་རྒྱུ་དང་གཅིག་པུ་གནས།། གནོད་བྱིན་གཙོ་དང་འཁོར་གྱིས་བརྟགས།། གྲོལ་བ་དང་ནི་རང་རྒྱུད་དེ།། ཐ་དད་རིགས་ནི་བཅཝ་བརྒྱད་དེ།། གནོད་ཅིང་འཚེ་བའི
43b5 བདག་ཉིད་ཅན།། ལྷ་ནི་འདོད་པའི་གཟུགས་ཅན་དང་།། གཟུགས་མེད་ལྷ་མ་ཡིན་དུ་གཏོགས།། རབ་ཏུ་གདུག་རྩུབ་ཆེ་བས་ནི།། ལྷ་མིན་མི་མ་ཡིན་དུ་གྲགས།། གང་ལས་བྱུང་དང་གང་ལས་སྲིད།། གང་གིས
43b6 བསྐྱེད་པའི་གཞིར་གྱུར་པ།། མ་མོ་ཞེས་སུ་གྲགས་པ་སྟེ།། ལས་དང་ཡེ་ཤེས་བསྡུས་ཤིང་ཕྱེ།། ཕྲ་དང་རགས་པའི་ཁྱད་པར་གྱིས།། ཆེ་ཆུང་གཅལ་དང་འཁོར་དུ་སྣང་།། མཁའ་ལ་རྒྱུ་བའི་དྲག་ཤུལ་ཅན།། ལས་ཀྱི།
iiif viewer powered by OpenSeadragon
