| e-texts navigator |
| Wylie |
43a1 ནི་མཛེ་དང་རྨུགས་པས་འཆི།། སྡེ་བརྒྱད་སོ་སོའི་དྲག་སྔགས་ཀྱིས།། འཇིག་རྟེན་ལས་ཀྱི་མནར་བ་ཡི།། བསྟན་པའི་རུ་ཏྲ་གདུག་པ་ཅན།། མ་ལུས་རྣམས་ཀྱི་གཤེད་དུ་འགྱུར།། ཞེས་བཀའ་སྩལ
43a2 ཏོ།། དྲག་སྔགས་འདུས་པ་རྩ་བའི་རྒྱུད་ལས་དྲེགས་པའི་སྡེ་སོ་སོའི་ལས་ལ་སྦྱར་བ་དྲག་སྔགས་ཀྱི་ལེའུ་སྟེ་བདུན་པའོ།། །། དེ་ནས་རྡོ་རྗེ་འཛིན་པ་ཡིས།། འཇིག་རྟེན་དྲེགས་པ་ཅན་རྣམས་ཀྱི།། སོ་སོའི་རིགས
43a3 དང་གཏན་ཚིགས་དང་།། སྡེ་དང་ལས་ཀྱི་བྱེད་པ་བསྟན།། སྔོན་གྱི་འཇིག་རྟེན་ཁམས་འདི་ཉིད།། ཕུང་པོ་ཉོན་མོངས་ལ་བརྟེན་ནས།། ང་རྒྱལ་དྲེགས་པའི་དབང་གིས་མྱོས།། རང་གཞན་ཀུན་ལ་འཚེ་ཞིང
43a4 རྩོད།། གནས་ངན་ལེན་གྱིས་ཁ་ཁྲིད་བྱས།། ལེགས་པའི་ལན་དུ་ཉེས་པར་སྤྱོད།། མ་རིག་རྩ་བ་ཡན་ལག་གིས།། གཏི་མུག་མུན་ཐིབས་བདུད་དང་ཀླུ།། ང་རྒྱལ་སྟོབས་ཀྱི་དྲེགས་པ་བདག། ལྷ་དང་རྒྱལ་པོ་གོལ་སར
43a5 འགྱུར།། ཕྲག་དོག་གཟའ་དང་གཤིན་རྗེའི་རིགས།། འདོད་ཆགས་མ་མོ་གནོད་སྤྲིན་རིགས།། ཞེ་སྡང་བཙན་དང་སྲིན་པོར་གོལ།། སྲོག་ལུས་འབྲེལ་པས་བདུད་ཅེས་བྱ།། ཡི་དྭགས་གཤིན་རྗེ་རྡོག་རྣམས
43a6 རྗེ།། ཕྲ་མོར་རྒྱུ་བ་སྣང་ཞིང་དྲེགས།། དེ་ཡི་དོན་གྱིས་སྲིན་པོར་བྱུང་།། གང་གིས་གནོད་པ་སྦྱིན་བྱེད་པའི།། དེ་ཡི་རིགས་དང་མཚན་ཉིད་དོ།། གང་ལས་བསྐྱེད་པ་མ་མོ་སྟེ།། སྐྱོད་བྱེད་ནུས་པ་ལྷ་ཡིན་ནོ།། གདུག་ཅིང
iiif viewer powered by OpenSeadragon
