| e-texts navigator |
| Wylie |
37b1 གནས་དེ་རུ།། རབ་ཏུ་མནག་ཅིང་གདེང་ལྡན་པས།། དམ་ཚིག་ལྡན་པའི་སྒྲུབ་པོ་སྟེ།། ཡོངས་སུ་རྫོགས་པའི་སློབ་མ་ཡིས།། སྔོན་དུ་བླ་མ་མཉེས་བྱས་ཤིང་།། ལྷག་པའི་ལྷ་ཉིད་སྟོབས་དང་ལྡན།། རྡོ་རྗེ་འཛིན་པ་ཧེ་རུ
37b2 ཀ། ཉེ་དང་ལྡན་པ་གཉིས་སུ་མེད།། ཚད་དང་ལྡན་པར་གྱུར་པ་སྟེ།། ཡང་དག་ངེས་པའི་རྟགས་མཐོང་ནས།། རབ་ཏུ་འབད་པར་བྱ་བ་ནི།། སྨིན་འབྱོར་གདུག་ཅིང་ཤིས་པའི་ས།། ལས་ལ་མངག་པ་དེ་དག་ལ།། དྲེགས
37b3 པ་གཙོ་འཁོར་དམིགས་པའི་རྟེན།། འདོམ་གང་ལ་སོགས་ཚད་དང་ལྡན།། ལྟེ་བ་ལས་ནི་འཁོར་ལོའི་རྩིབས།། བཞིའམ་དྲུག་གམ་བརྒྱད་དུ་འགོད།། བར་ཁྱམས་ཕྱོགས་བཞིར་སྒོ་བཞིར་བཅས།། རིམ་པ་གསུམ་གྱི་ཐོད
37b4 ཕྲེང་ལྡན།། རང་གི་རིགས་ལ་སྔགས་པ་ཡི།། དབྱིབས་དང་ཁ་དོག་རྒྱན་དང་རྟགས།། ཐམས་ཅད་ལྡན་པ་ཉིད་དུ་བྱ།། དྲེགས་པ་ཅན་རྣམས་སྐུ་ཡི་རྟེན།། བྲིས་སམ་བརྐོས་སམ་བརྩིགས་པ་དག། རང་གི་གནས་སུ་མཛེས
37b5 པར་དགོད།། གསུང་གི་སྙིང་པོའང་དེ་བཞིན་ནོ།། ཐུགས་རྟེན་རང་རང་ཕྱག་ཆ་འམ།། སྔོན་ནས་བསགས་པའི་རྫས་ཡིན་ནོ།། རང་སྔགས་བསགས་པའི་འཁོར་ལོ་དང་།། མཐུན་གཟུགས་སྲོག་གི་རྒྱལ་མཚན
37b6 རྣམས།། ནང་དུ་མཚོན་པའི་རྟེན་དུ་གཟུགས།། དེ་དག་ཙིཏྟ་སོ་སོ་རུ།། དམིགས་པའི་སྙིང་པོ་དྲིལ་ཏེ་གཞུག། གསང་ཞིང་སྦས་པའི་རྟེན་དུ་འགྱུར།། དེ་ཡི་བྱང་ཤར་ཕྱོགས་མཚམས་སུ།། ང་ཡིས་སྔར་བཤད་རྒྱུད
iiif viewer powered by OpenSeadragon
