| e-texts navigator |
| Wylie |
37a1 དཔལ་སྐྱེད་ཅིང་།། ཐུན་རྫས་རྣམས་ཀྱིས་མྱོས་པ་དང་།། རེངས་ལྐུགས་མཚོན་འབེབས་རྡུལ་དུ་རློགས།། གནད་དུ་འབེབས་ཤིང་སྙིང་ནས་འདྲེན།། ལྷ་དང་འབྱེད་ཅིང་རྩ་བ་གཅོད།། བྱང་ཆུབ་སེམས་ཀྱི
37a2 དངོས་པོ་ནི།། དོན་པོ་ཁྲག་གི་ལན་བུའི་མགོ།། ཀུན་གཞི་ཏིལ་འབྲུ་ཙམ་ཞིག་གནས།། རྩ་བ་རླུང་གནས་འདྲ་བས་ཏེ།། ཕུར་པ་མེ་སྦལ་ལྟ་བུ་ཡིས།། བསྡུས་ཤིང་བསྲེགས་ཏེ་གཅད་པ་ཡིས།། དམིགས་པ་རྟེན་དང་བྲལ
37a3 བར་བྱས།། བཀྲག་དང་གཟི་མདངས་རང་ལ་འདུས།། ཕྲིན་ལས་རྣམ་བཞིས་གཟིར་བ་ལ།། དགེ་སྡིག་ངོ་བོ་ཉིད་དུ་མཉམ།། ལྷ་སྤྱོད་ལྡན་པས་ཞིང་བཅུས་ཏེ།། ཕ་རོལ་བླ་མེད་གནས་སུ་བསྒྲལ།། བར་མ་དོ་ཡི་རྣམ་ཤེས
37a4 ནི།། ཧཱུཾ་དང་ཕཊ་ཀྱི་འཕྲོ་འདུ་ཡིས།། སྦྲང་དང་སྦར་བའི་ལས་རྣམས་བྱ།། ཕྱོགས་བཅུ་རྒྱལ་བའི་སྲས་སུ་བསྐྱེད།། ཕུང་པོ་ལྷག་མ་ཙམ་ཉིད་ནི།། རྟེན་གསུམ་གྱིས་ནི་རབ་ཏུ་སྤང་།། ཆོས་སྐུའི་གཟུགས་བརྙན་བསྟན་པར
37a5 བྱ།། འདིས་ནི་ཕ་རོལ་བླ་ན་མེད།། སྤྲུལ་པ་དུས་གསུམ་སངས་རྒྱས་དང་།། རྒྱལ་སྲས་བྱང་ཆུབ་སེམས་དཔའ་ཡི།། སྤྱོད་པ་རླབས་ཆེན་སྤྱད་པའོ།། ཞེས་བཀའ་སྩལ་ཏོ།། དྲག་སྔགས་འདུས་པ་རྩ་བའི་རྒྱུད་ལས་སྒྲོལ་བའི
37a6 ཏིང་ངེ་འཛིན་གྱི་དམིགས་པའི་ལེའུ་སྟེ་ལྔ་པའོ།། །། དེ་ནས་རྡོ་རྗེ་འཛིན་པ་ཡིས།། ལས་ཀྱི་བྱེ་བྲག་འདི་གསུངས་ཏེ།། ཐོག་མར་འདི་ལ་ཤིས་པའི་གནས།། དུར་ཁྲོད་ཆུ་གླིང་རི་ཡི་སུལ།། ཁྲོས་ཤིང་གདུག་པའི
iiif viewer powered by OpenSeadragon
