| e-texts navigator |
| Wylie |
35b1 རྒྱལ་དྲེགས་པའི་ལུས་ངག་སེམས།། སྟོབས་དང་ནུས་པ་དཔག་མེད་རྫོགས།། ཆེ་བཙན་དབང་ཕྱུག་ལྡན་གྱུར་ཀྱང་།། ཡང་དག་ངེས་པའི་དོན་མ་རྟོགས།། དོན་དམ་བདེན་པ་ཁོང་མ་ཆུད།། སྤྲོས་བྲལ་དགེ་ལ་བློ་མ
35b2 ཕྱོགས།། རང་རིག་རྒྱལ་བའི་སྟོབས་མ་རྙེད།། སྐྱེ་མེད་དབྱིངས་ཀྱི་རྩལ་མ་ཤར།། བདེ་ཆེན་གནས་ཀྱི་གདེང་མ་ཐོབ།། མཚོན་མེད་བཅུད་ཀྱི་རོ་མ་མྱོས།། ཆོས་ཉིད་སྐུ་ཡི་གཟུགས་མ་མཐོང་།། ཡེ་ཤེས་གློང་གི་སྒོ་མ
35b3 ཕྱེད།། དེ་བས་རིགས་ཀྱི་བུ་རྣམས་ཀྱིས།། རང་གི་གནས་ལ་རབ་ཏུ་རྟོགས།། ལུས་ལ་བདག་ཏུ་ཡོད་མ་འཛིན།། ངག་ལ་བརྗོད་པར་མ་སྨྲ་ཞིག། སེམས་ལ་དངོས་པོར་གང་མ་རྟོག། གནས་ཡུལ་རིགས་ཁམས་སྡེ་དང
35b4 དཔུང་།། བརྟེན་རྫས་ལོངས་སྤྱོད་དབང་སྐལ་རྣམས།། ང་དང་ང་ཡིར་གཟུང་བྱ་མིན།། ཐུན་མོང་དང་ནི་ཐ་དད་གཅིག། དེ་དག་མ་ལུས་སྟོང་པ་སྟེ།། སྟོང་པ་ཉིད་ཀྱང་དེ་དག་གོ། དེ་ལས་གུད་ན་གཞན་མེད་དེ།། གཞན
35b5 ལས་གུད་ནའང་དེ་མེད་ཅིང་།། མ་སྐྱེས་མ་འགགས་མཚན་ཉིད་མེད།། མ་ཕྲི་མ་བསྣན་མ་བསླད་ཅིང་།། མ་བཅོས་མ་བསྒྱུར་མ་བྱུང་ལ།། མ་སྐྱེས་མ་བསྒྲུབས་མ་བཤད་པའི།། དོན་ཆེན་དེ་ནི་རང་ཉིད་ལས།། ཕྱི་ནང་སྔ
35b6 ཕྱི་སྟེང་དང་འོག། ཕྱོགས་མཚམས་འཁོར་འདས་ལུས་དང་སེམས།། ཀུན་ནས་རྙེད་པ་མ་ཡིན་ཏེ།། འདི་ནའང་ཡོད་པ་མ་ཡིན་ནོ།། ཤ་ཁྲག་པགས་དང་རུས་པ་དང་།། སྙིང་དང་གློ་བ་སྣོད་རྣམས་དང་།། དབང་པོ་ཡན
iiif viewer powered by OpenSeadragon
