| e-texts navigator |
| Wylie |
35a1 པ་ཅན་དང་མཐུ་སྟོབས་ཅན།། འདུས་པའི་འཁོར་ལ་བཀའ་སྩལ་པ།། ཧཱུཾ་འཇིག་རྟེན་དྲེགས་པའི་ཚོགས་ཆེན་རྣམས།། ང་ཡི་བཀའ་བཞིན་ཉན་པར་བགྱི།། ང་ནི་ཆོས་སྐུ་བདེ་ཆེན་ཏེ།། ཡེ་ནས་མ་བཅོས
35a2 ལྷུན་གྱིས་གྲུབ།། སྣང་བའི་སྐུ་ལ་དངོས་པོ་མེད།། ཡེ་ཤེས་སྐུ་སྟེ་སྐུ་ཡི་མཆོག། ང་ནི་སྔགས་གསུང་མཐུ་ཆེན་ཏེ།། ཡེ་ནས་ཐ་སྙད་སྒྲ་དང་བྲལ།། བརྗོད་པའི་གསུང་ལ་འཛིན་པ་མེད།། མ་འགགས་གསུང་སྟེ་གསུང་གི
35a3 དཔལ།། ང་ནི་བདེན་པའི་ཐུགས་མཆོག་སྟེ།། ཡེ་ནས་མཚན་མེད་ཡང་དག་བྲལ།། གཉིས་མེད་ཐུགས་ལས་རྩོལ་བ་མེད།། སྐྱེ་མེད་ཐུགས་ཏེ་ཐུགས་ཀྱི་དཔལ།། ང་ནི་ཡོན་ཏན་ཚོགས་ཆེན་ཏེ།། ལྷུན་གྱིས་གྲུབ་ཅིང
35a4 བསམ་མི་ཁྱབ།། སྨོན་མེད་དགོས་པ་མ་ལུས་འབྱུང་།། དངོས་གྲུབ་ཆེན་པོ་བསྐྱེད་པའི་གཞི།། ང་ནི་ཕྲིན་ལས་མཛད་པའི་སྟེ།། ཡོངས་རྫོགས་བརྩོན་པའི་བདག་ཉིད་ཅན།། ཞི་རྒྱས་དབང་དང་མངོན་དུ་སྤྱོད།། སྣ་ཚོགས
35a5 གཞན་དོན་ལྷུན་གྱིས་རྫོགས།། འཇིག་རྟེན་སྔགས་བདག་དྲེགས་པ་ཅན།། གཙོ་ཆེན་དབང་སྒྱུར་ཁྱེད་རྣམས་ཀྱང་།། ང་དང་དུས་གསུམ་སངས་རྒྱས་ཀྱི།། ཐུགས་དང་ཡེ་ཤེས་གཉིས་སུ་མེད།། གསུང་དང་དབྱེར་བ་ཡོད་མ
35a6 ཡིན།། སྐུ་ལ་སོ་སོར་མི་བལྟ་སྟེ།། ཡོན་ཏན་མཉམ་པ་ཉིད་དུ་རྫོགས།། ཕྲིན་ལས་གཅིག་སྟེ་ཐུན་མོང་བསྒྲུབ།། ཐོག་མ་མེད་ནས་ད་ལྟའི་བར།། ཉོན་མོངས་ལས་ཀྱི་རྒྱུ་འབྲས་ཀྱི།། གནས་ངན་ལེན་གྱི་ཕུང་པོར་སྨིན།། ང
iiif viewer powered by OpenSeadragon
