| e-texts navigator |
| Wylie |
353b1 དཀྲོལ་ཞིང་དུང་ཡང་འབུད།། དགེ་འདུན་རྣམས་ཀྱིས་སྣ་དྲངས་ལ།། དམོད་དང་བཅོལ་བའི་ལས་རྣམས་ལ།། བསྐོར་བ་བྱ་ཞིང་ལས་མགོན་རྦད།། ཡུལ་ཁམས་བསྐོར་ཞིང་གཙང་སར་སྐྱོལ།། རིམས་དང་འཁྲུག་པ
353b2 ཞི་བར་འགྱུར།། ལས་ཀྱི་མགོན་པོ་བྱ་རོག་གདོང་དེ། རྒྱལ་པོ་རྣམ་ཐོས་ཀྱི་ཐུགས་ཀར་ཐིམ་མོ།། རྣམ་ཐོས་སྲས་ཀྱིས་སླར་བཅོམ་ལྡན་འདས་ལ་གསོལ་པ། ལྔ་བརྒྱ་དུས་ཀྱི་སྙིགས་མའི་ཚེ།། དགེ་འདུན་མི་བཙུན
353b3 ཆོས་མི་དར།། དུས་ངན་སྡེ་འཁྲུགས་མཚོན་གྱིས་གསོད།། སེར་ཆགས་རྣམས་ནི་མཚོན་གྱིས་གསོད།། སྐྱེ་བོ་རྣམས་ནི་དུག་གིས་གསོད།། གསང་སྔགས་རྒྱུད་སྡེ་ནུབ་ནས་ནི།། མུ་སྟེགས་ལོག་ཆོས་དར་བའི་དུས།། དེ
353b4 དུས་བསྟན་པ་འདི་ཡིས་སྲུང་།། ཞེས་གསོལ་ཏོ།། བཅོམ་ལྡན་འདས་ཀྱིས་བཀའ་སྩལ་པ། རྣམ་ཐོས་ཀྱི་བུ་གནོད་སྦྱིན་གདུག་པ་ཅན། ངའི་འཁོར་རྣམ་བཞི་ཁྱོད་ཀྱིས་སྐྱོངས་ཤིག། དགེ་བདུན་གྱི་བསྟན་པ་ཁྱོད
353b5 ལ་གཏད་དོ།། བྱ་རོག་གདོང་ཅན་ཁྱོད་ཀྱིས་ཟུང་།། སྦས་པ་ཡུམ་གྱིས་རྒྱུན་དུ་ཟུང་།། གསང་བར་སྦས་སོ་རྒྱུན་དུ་ཟུང་།། བཅོམ་ལྡན་འདས་ཀྱིས་དེ་སྐད་ཅེས་གསུངས་པ་ལ་རྒྱལ་པོ་རྣམ་ཐོས་རྗེས་སུ་ཡི་རང
353b6 ངོ་།། ལས་ཀྱི་མགོན་པོ་བྱ་རོག་གདོང་གི་རྒྱུད་ལས། ཡོངས་སུ་བཟུང་བའི་ལེའུ་སྟེ་བཅོ་ལྔ་པའོ།། །། ལས་ཀྱི་མགོན་པོ་བྱ་རོག་གདོང་གི་རྒྱུད་རྫོགས་སོ།། སྣ་ནམ་གྱི་འགྱུར།། །།
iiif viewer powered by OpenSeadragon
353a -
