| e-texts navigator |
| Wylie |
352a1 བསྐྱེད་ནས་ནི།། ཡེ་ཤེས་མགོན་པོ་བསྟིམ་པར་བྱ།། འཇིག་རྟེན་མགོན་པོ་མཆོད་པར་བྱ།། ལས་ཀྱི་མགོན་པོ་རྦད་པར་བྱ།། མ་ཧཱ་ཀ་ལ་དྲག་ཤ། དོམ་ཏྲ་ཏྲག་ལིང་། མ་མ་ལིང་ལིང་། ལྕིབ་ལྕིབ། ཆོད
352a2 ཆོད། ཟུམ་ཟུམ་མཱ་ར་ཡ་བཟློག། གཙུར་ཏོར་འོག་ཏུ་སྦ། ལས་ཀྱི་མགོན་པོ་བྱ་རོག་གདོང་གི་རྒྱུད་ལས་ལེའུ་བཅུ་པའོ།། །། དེ་ནས་ལས་བྱེད་མ་འདོད་ན།། རང་ཉིད་དམ་ཚིག་མགོན་པོར་བསྒོམ།། ཡེ་ཤེས
352a3 མགོན་པོ་སྤྱན་དྲངས་ལ།། འཇིག་རྟེན་མགོན་ལ་བ་ལི་འབུལ།། ལས་ཀྱི་མགོན་པོ་དཀྲུག་པར་བྱ།། ཕཊ་ཧཱུཾ་ཏ་ཧྲི་ན་གྷུ་ལ་ཀ་ཧཱ་མ་ཨོཾ། དྲག་ཤད་མ་མ་ལྕིབ་ལྕིབ་ཆོད་ཆོད་ཟུམ་ཟུམ་གིང་ཀ་ར།། ཐུན་རྫས་མགོན་པོའི
352a4 གཟུགས་ལ་བརྡེག་ཅིང་ལིངྒ་ལ་བྲབ་པོ།། ཡུལ་ལ་རྦད་དོ།། དེས་རང་དབང་མེད་པར་ལས་བྱེད་དོ།། ལས་ཀྱི་མགོན་པོ་བྱ་རོག་གདོང་གི་རྒྱུད་ལས་ལེའུ་བཅུ་གཅིག་པའོ།། །། དེ་ནས་ཐུན་གྱི་བསྒྲུབ་པ
352a5 ཡང་།། ཡུངས་ཀར་ཉུང་ནག་དུ་དང་ཁྲག། ལུག་ནག་སྙིང་དང་གཡག་ནག་སྙིང་།། ཕོ་རོག་མི་ཕོའི་སྙིང་དག་དང་།། ཁྲག་སྐམ་བྲེ་གང་གཡག་རུར་བླུག། ཡང་ན་སུ་བྷི་ནང་དག་ཏུ།། རབས་ཆད་ཕོ་མོའི་ཟོད་ནང
352a6 དུ།། སེར་བའི་ཐུན་རྣམས་སྦྲེང་བར་བྱ།། ཡུལ་མི་སྲོག་དང་ཡུལ་སྲུང་མི།། ཐུན་གྱི་ནང་དུ་བཅུག་པར་བྱ།། རང་ཉིད་ཡེ་ཤེས་མགོན་པོར་བསྐྱེད།། འཇིག་རྟེན་མགོན་པོ་རྣམས། ལྷ་མ་སྲིན་སྡེ་བརྒྱད་སྟེ།། གསེར་གྱི་རི
iiif viewer powered by OpenSeadragon
