| e-texts navigator |
| Wylie |
350b1 གཡང་གཞི་དགྲམ་པར་བྱ།། དེ་སྟེང་བུ་མོ་གཙང་མའི་ཀ་པཱ་ལ།། དེ་སྟེང་གའུ་ཁ་སྦྱོར་ནང་།། གྲི་རྒོད་སྙིང་ལ་འབེན་བྱ་ལ།། དེ་སྟེང་གྲི་གུག་གཞག་པར་བྱ།། སྟེང་ནས་དར་ནག་གུར་ཡང་ཕུབ།། ཕྱི་ནང་གསང་བའི
350b2 རྟེན་གཟུག་ལ།། ཤ་ཁྲག་སྣ་ཚོགས་གཏོར་མ་བཤམ།། ཧཱུཾ།། ལས་ཀྱི་མགོན་པོ་ནག་པོ་ནི།། ཡན་ལག་ཐུང་ཞིང་གེལ་པ་ཡི།། ཁྲོས་པའི་མདོག་ཅན་བྱ་རོག་གདོང་།། གཡས་ཀྱིས་གྲི་གུག་ནག་པོ་ཐོགས།། གཡོན་པ
350b3 བྷན་དམར་ཁྲག་གིས་བཀང་།། ཨོཾ་མ་ཧཱ་ཀ་ལ་གྷུ་ནི་ཧྲི་ད་ཧཱུཾ་ཕཊ། བསྙེན་པ་གྲངས་ལ་ཐེམ་པར་བསྐྱལ།། བསྟོད་པ་གཏང་ཞིང་མཆོད་པར་བྱ།། ལས་ཀྱི་མགོན་པོ་བྱ་རོག་གདོང་གི་རྒྱུད་ལས་ལེའུ་གསུམ་པའོ།། ། དེ
350b4 ནས་གཏོར་མ་བྱ་བ་ནི། ཤ་སྣ་ཚོགས་པའི་གཏོར་མ་ཤར་དུ་དགོད།། ཁྲག་སྣ་ཚོགས་པའི་གཏོར་མ་ལྷོ་རུ་དགོད།། སྙིང་སྣ་ཚོགས་པའི་གཏོར་མ་ནུབ་ཏུ་གཞག། རུས་སྣ་ཚོགས་པའི་གཏོར་མ་བྱང་དུ་གཞག། དེ་ལ
350b5 དམིགས་པ་བྱིན་གྱིས་བརླབ།། ཨོཾ་ཨཱཿཧཱུཾ། སྦྲང་དང་སྤེལ་དང་བདུད་རྩིར་བསྒྱུར།། ཨཱིཾ་མ་ཧཱ་ཀ་ལ་བཛྲ། གྷུ་ན་ཧྲྀ་དང་། གྲྀཧྞ་གྲྀཧྞ་ཧ་ན་ཧ་ན། ད་ཧ་ད་ཧ། པ་ཙ་པ་ཙ། མཱ་ར་ཡ་མཱ་ར་ཡ། ཆེ་གེ་མོའི་མཱང་ས། རཀྟ་ཙིཏྟ་གོ།
350b6 རོ་ཙ་ན། བ་སུ་ཏ་ཁ་ཁ་ཁཱ་ཧི་ཁཱ་ཧི། ཞེས་དབུལ་བར་བྱའོ།། ལས་ཀྱི་མགོན་པོ་བྱ་རོག་གདོང་གི་རྒྱུད་ལས་ལེའུ་བཞི་པའོ།། །། ཕྱི་ནང་གསང་བའི་རྟེན་རྣམས་ནི།། ཕྱི་སྲོག་ལུག་ནག་གཡག་ནག་ལ།། སྙིང་པོ
iiif viewer powered by OpenSeadragon
