| e-texts navigator |
| Wylie |
350a1 འཕང་བསྟོད་པར་གྱིས།། སྔགས་འཆང་བསྟན་པ་ཁྱོད་ཀྱིས་སྲུངས།། ལས་ཀྱི་མགོན་པོ་བྱ་རོག་གདོང་།། དུས་ངན་རྩོད་པ་དར་བའི་ཚེ།། སངས་རྒྱས་བསྟན་པ་རང་གིས་འཇིག། དེ་དུས་ཁྱོད་ཀྱི་ལས
350a2 སྒྲུབས་ཤིག། ཅེས་སྩལ་ཏོ།། བྱ་རོག་གདོང་གིས་སླར་ཞུས་པ། ང་ཡི་ལས་མཁན་དམར་མོ་རྩ་འཇིབ་ཁྲག་འཇིབ་མ།། འདི་ཡིས་ང་ཡི་ལས་རྣམས་སྒྲུབ།། འཇིགས་བྱེད་དཔའ་བོའི་བཀའ་ལས་ཉན།། ཅེས་གསོལ
350a3 ཏོ།། ལས་ཀྱི་མགོན་པོ་བྱ་རོག་གདོང་གིས་སླར་བཅོམ་ལྡན་འདས་ལ་ཞུས་པ། ང་ཡི་ལས་རྣམས་མཚོན་ཆ་འདྲ།། ཞེས་གསུངས་སོ།། ལས་ཀྱི་མགོན་པོ་བྱ་རོག་གདོང་གི་རྒྱུད་ལས་གླེང་གཞིའི་ལེའུ་དང
350a4 པོའོ།། །། དེ་ནས་བསྒྲུབ་བསྙེན་ལས་ཀྱི་རིམ་པ་ཡང་། གསད་དང་བཟློག་དང་གནན་པ་དང་།། བསྲེག་དང་གཏོར་མ་ཏིང་ངེ་འཛིན།། གནད་ལ་དབབ་དང་གཟིར་བ་དང་།། ལྟས་ངན་ཆོ་འཕྲུལ་ཚ་བའི
350a5 རིམས།། ཡུམ་གྱིས་གསད་དང་བ་ལི་བཞིས་གསད་དང་།། ཕྱི་ནང་གསང་བའི་རྟེན་བཅའོ།། གའུ་ཐོད་པའི་གཞལ་ཡས་ཁང་།། དེ་ལྟར་རྡོ་རྗེ་འཆང་ལ་སྨྲས་སོ།། ལས་ཀྱི་མགོན་པོ་བྱ་རོག་གདོང་གི་རྒྱུད་ལས་ལེའུ
350a6 གཉིས་པའོ།། །། དེ་ནས་བསྙེན་པའི་རིམ་པ་ཡང་།། དུར་ཁྲོད་ས་ནག་བླངས་ནས་ནི།། རོལ་ཆ་སྣ་ཚོགས་དཀྲོལ་ནས་ནི།། དེ་ལ་མཎྜལ་བྱ་བར་གསུངས།། གྲུ་གསུམ་ནག་པོ་ཁ་ཁྱེར་ཅན།། ཁྱི་མོ་ནག་མོའི
iiif viewer powered by OpenSeadragon
