| e-texts navigator |
| Wylie |
34b1 འཆང་བ་ཡི།། བཀའ་བཞིན་རྗེས་སུ་སྒྲུབ་བྱེད་པས།། མ་ཐོགས་དུར་ཁྲོད་གནས་ཆེན་དུ།། འདར་ཞིང་མྱུར་བའི་ཤུགས་དང་བཅས།། རང་གི་ནུས་པ་རབ་བསྟན་ཏེ།། བཀའ་ཉན་གསུང་བསྟོད་རྗེས་འབྲངས་གནས།། དེ
34b2 ལྟར་འཁོད་པའི་འཇིག་རྟེན་པའི་དྲེགས་པའི་བདག་པོ་སྔགས་ཀྱི་སྟོབས་དང་ལྡན་པ་དེ་དག་གིས། རང་རང་གི་འཁོར་དང་། རིགས་ཀྱི་སྡེ་དང་། མཐུ་དང་། ལོངས་སྤྱོད་ཀྱི་ཁྱད་པར་དག་ཀྱང་། བཅོམ་ལྡན་འདས་ཀྱི་སྤྱན
34b3 སྔར་བསྟན་ནས། འདི་སྐད་ཅེས་ཀྱང་གསོལ་ཏོ།། བཅོམ་ལྡན་འདས་རྡོ་རྗེ་འཛིན་པ་ཆེན་པོ།། བདག་ཅག་ལ་སོགས་པ་འཇིག་རྟེན་གྱི་ཁམས་ན་གནས་པའི། མ་རུངས་པའི་ཚོགས་གདུག་པ་ཅན་སྡང་བ། གནོད་པ་དང་།
34b4 ཤུགས་པ་དང་། འཚོ་བ་དང་རྩོད་པའི་བསམ་པ་དང་ལྡན་ཞིང་། བྱམས་པ་དང་། སྙིང་རྗེ་དང་། ཕན་པའི་སེམས་སྐྱེ་བར་མི་ནུས་རྣམས་ཀྱིས་ཏེ། རང་རང་གི་ཁམས་དང་། བྱེད་པ་དང་། རིགས་དང་། ལས་ཀྱི་བྱ་བ་དང་།
34b5 རྟེན་དང་། ནུས་པ་དང་། དབང་གི་ཁྱད་པར་དག་དང་། མཐུན་པའི་བསྟན་པ་མི་བཟད་པ་སྟོབས་དང་ལྡན་པ་དག་བཀའ་སྩལ་པར་གསོལ་ཞེས་གསོལ་ཏོ།། དྲག་སྔགས་འདུས་པ་རྩ་བའི་རྒྱུད་ལས་ཚོགས་ཀྱི་དཀྱིལ
34b6 འཁོར་རབ་ཏུ་བཀོད་པའི་ལེའུ་སྟེ་གསུམ་པའོ།། །། དེ་ནས་རྡོ་རྗེ་འཛིན་པ་ཡིས།། སྐུ་ཡི་ཆེ་བ་རབ་སྟོན་ཅིང་།། གསུང་གི་སྙིང་པོས་གནད་སྐུལ་ཏེ།། ཐུགས་ཀྱི་དགོངས་པ་གཙོར་མཛད་ནས།། འཇིག་རྟེན་དྲེགས
iiif viewer powered by OpenSeadragon
