| e-texts navigator |
| Wylie |
349b1 ཅིག། ཕ་ཚོགས་མ་ཚོགས་མཁའ་འགྲོ་མ།། ཐུགས་དམ་བསྐང་བ་འདི་བསྒྱུར་བས།། བདག་ལ་རྟག་ཏུ་སྐྱོབ་གྱུར་ཅིག། མ་མོ་སྲིད་པའི་བེམ་ཆེན་འདི།། མཐུ་ཆེན་བྱིན་རླབས་བཀྲ་ཤིས་ཤོག། མ་མོ་རྣམས་ཀྱང་འདུ
349b2 བར་ཤོག། དབྱིངས་ཀྱི་མ་མོ་འདི་མཆོད་པས།། ཚོགས་གཉིས་རྫོགས་ཏེ་སྒྲིབ་གཉིས་བྱང་།། ཚེ་འདིར་བར་ཆད་ཐམས་ཅད་བཟློག།
349b3 རྒྱ་གར་སྐད་དུ། ཀརྨ་མ་ཧཱ་ཀཱ་ལ་ཁྲ་དྲ་ཏནྟྲ། བོད་སྐད་དུ། ནག་པོ་ཆེན་པོ་ལས་མགོན་བྱ་རོག་གདོང་གི་རྒྱུད། དཔལ་ཁྲག་འཐུང་ནག་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན།
349b4 དུར་ཁྲོད་ཆེན་པོ་བསིལ་བའི་ཚལ་ན། བཅོམ་ལྡན་འདས་རྒྱལ་པོ་ཆེན་པོ་བཞི་ལ་ཆོས་སྟོན་པའི་ཚེ། རྒྱལ་པོ་ཆེན་པོ་རྣམ་ཐོས་ཀྱི་བུ་ཉིད་མ་ཧཱ་ཀཱ་ལ་བྱ་རོག་གདོང་ཅན་དུ་སྤྲུལ་ནས། བཅོམ་ལྡན་འདས་ལ་འདི་སྐད
349b5 ཅེས་གསོལ་ཏོ།། དུས་ངན་བསྟན་པ་འབྱུང་བའི་ཚེ།། སངས་རྒྱས་བསྟན་པ་འཇིག་པར་འགྱུར།། མ་ཧཱ་ཀཱ་ལ་ནག་པོ་ཆེ།། དེ་ཡིས་བསྟན་པ་སྲུང་བར་བྱེད།། ལྷ་ཆེན་དཔལ་འབར་ཁྲོས་པ་ཡི།། ཐུགས་མགོན་ནག་པོ
349b6 ཆེན་པོ་སྟེ།། དེ་ཡི་ལས་མགོན་བྱ་རོག་གདོང་།། ང་ཡིས་སངས་རྒྱས་བསྟན་པ་བསྲུང་།། ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། རྣམ་བཞིའི་འཁོར་རྣམས་བསྲུང་བ་དང་།། དཀོན་མཆོག་དབུ
iiif viewer powered by OpenSeadragon
