| e-texts navigator |
| Wylie |
348b1 །། དམ་ཚིག་ཉམས་པའི་གཉེན་དུ་ཆེ།། སྨན་རྫི་བ་སྤུ་ཉག་རེ་ལ།། གཟའ་སྐར་རྒྱུག་ཅིང་རྒྱུ་སྐར་འགྱེད།། སྒྲོག་འབོག་གཏོང་བའི་དབང་མོ་ཆེ།། བསྐང་རྫས་ས་པ་ཤ་ནས་བསྐང་།། བསྒྲལ་བ་མེད་པར་ཚིམ་གྱུར
348b2 ཅིག། སེམས་ཅན་འདི་ཡི་མདངས་ཆེན་འདིས།། ནམ་མཁའ་སྟོང་པའི་ངང་དང་མཉམ།། བྱ་ཡི་དགེ་བསྙེན་འདི་ཡིས་ཐུགས་དམ་བསྐང་།། སེམས་ཅན་འདི་ལ་དབུགས་ཡོད་དེ།། གཟུང་དུ་མེད་པས་རླུང་དང
348b3 མཉམ།། གཟུགས་མེད་དབུགས་ཀྱིས་ཐུགས་དམ་བསྐང་།། སེམས་ཅན་འདི་ལ་གཟུགས་ཡོད་པས།། ཁ་རལ་རྡོ་རྗེ་རྩལ་གྱི་ཐུགས་དམ་བསྐང་།། སྒྲོ་འབོག་གཏོང་བའི་རྒྱལ་མོ་ལ།། མཚོན་དུ་མེད་པའི་གཟུགས
348b4 ཀྱིས་བསྐང་།། སྨྱོ་བ་བེ་ཧའི་གླིང་ཆེན་དུ།། དམ་ཚིག་ཉམས་པའི་སྔགས་པ་ལ།། སྒྲོ་འབོག་གཏོང་བ་རྒྱལ་མོ་ཁྱོད་ཀྱིས་གཏོང་།། ཁྱོད་ཀྱི་ཐུགས་དམ་གཡུ་སྐེ་མ་ཡིས་བསྐང་།། བསྐང་བས་ཚིམ་སྟེ་བསྒྲལ་བ
348b5 མེད།། སྟོང་པས་སྟོང་པ་བསྒྲལ་བ་ལ།། བསྒྲལ་ཞེས་བྱ་བའི་གདགས་གཞི་མེད།། བསྒྲལ་བ་མེད་པར་ཚིམ་གྱུར་ཅིག། བྷྱོ་བ་ན་ཤེ་ཏྲེ་མ་ཏྲེ་ཏེ་མ་གུ་སེ་ཧཱུཾ་ཧ་ཧེ་བྷྱོ། མ་མོ་དེ་ནི་ཕུ་རོན་གྱིས་བསྐང་བ་སྟེ། ནག་མོ་ནན
348b6 ལྟར་ཁྲོས་ན། བྱ་ཕུ་རོན་གཙོར་བྱས་ལ་དབྱིངས་ཀྱི་ཡུམ་དྲུག་ནས་མར་རྫས་ཚོགས་ཚད་ཀྱིས་བསྐང་བའོ།། འདི་མ་མོ་བསྐང་བའི་ལེའུ་ཆེན་མོ་སྟེ། སྒོ་ནས་གནས་ཀྱི་ཆོ་ག་ཉི་ཤུ་རྩ་གཉིས་པོ་དང་། ཡང་སྒོས་སྐོང་ཡོད
iiif viewer powered by OpenSeadragon