| e-texts navigator |
| Wylie |
347a1 ཤེད་ནས།། སྐྱེ་མེད་རྒྱལ་མོ་ཁྱོད་བཞུགས་ཏེ།། ལེ་བརྒན་རལ་པ་གནམ་ལ་བསྒྲེངས།། དབུ་གསུམ་ཡེ་ཤེས་འབར་བའི་ཀློང་།། ལྕགས་ལས་བྱས་པའི་འཁོར་ལོ་ཡིས།། བདུད་ཀྱི་ཁམས་ཀུན་སྲེག་པར
347a2 མཛད།། གསེར་གྱི་འཁོར་ལོ་རྩིབས་བརྒྱད་ཀྱིས།། སྲིད་པའི་གཙོ་མོ་རྡུལ་དུ་རློག། བར་སྣང་ཁམས་ཀྱི་ལྷ་བྲན་བརྒྱལ།། ལྷ་མོ་རྡོ་རྗེ་རྩལ་རབ་རྩལ།། སྐྲངས་ལྐུགས་གཏོང་བའི་དབང་མོ་ཆེ།། ཆིབས་སུ་ལྐུགས་རྟ་སྔ
347a3 སྣ་ཆིབས།། རོལ་དུ་བར་སྣང་གློག་ཆེན་ཁྲིད།། འགྲན་ཟླ་མེད་པར་ཤུག་ཟག་གཅོད།། ངག་ལྐུགས་གཏོང་བའི་དབང་མོ་ཆེ།། ཀྲྀཥྞ་སྭ་རས་ཐུགས་དམ་བསྐང་།། བློན་མོ་ཆེན་མོ་འབར་བ་མ།། བཙུན་མོ་བ
347a4 ལེས་ཐུགས་དམ་བསྐང་།། བསྒྲལ་བ་མེད་པར་ཚིམ་གྱུར་ཅིག། ཏ་ཤ་ན་ཡི་ཐུགས་དམ་བསྐང་།། ཁྱོད་ནི་བཙུན་མོ་གཉིས་ལ་དགྱེས།། བཙུན་མོ་གཉིས་ཀྱི་ཐུགས་དམ་བསྐང་།། ཐུ་ལུམ་རབ་འབར་གསལ་བ
347a5 མོ།། གསང་བའི་ཡུམ་གཅིག་སྒྲ་མོ་ཆེ།། བསྐང་ངོ་དམ་ཅན་རྒྱལ་མོ་བསྐང་།། སེམས་འདི་ནི་འབྱུང་བས་སྐྱེད།། འབྱུང་བ་ཡེ་མེད་སྟོང་པ་སྟེ།། འབྱུང་བ་ལྔ་ལ་སྐྱེ་ཤི་མེད།། བྱང་ཆུབ་སེམས་ལ་སྐྱེ་ཤི་མེད།། སྐྱེ་ཤི་མེད
347a6 པའི་དབྱིངས་ཕྱུག་མ།། བསྐང་རྫས་ཆེན་པོ་འདིས་བསྐང་གིས།། ཁྱོད་ཀྱི་ཐུགས་དམ་བསྐང་གྱུར་ཅིག། ལྷ་མོ་རྡོ་རྗེ་རྩལ་རབ་འབར་གྱི་ཐུགས་དམ་བསྐང་།། རྒྱལ་མོ་ཁྱོད་ཀྱི་ཐུགས་དམ་བསྐང་གྱུར་ཅིག། ཤེས་རབ
iiif viewer powered by OpenSeadragon