| e-texts navigator |
| Wylie |
344b1 ཤི་ས་བསྟན།། དེ་ལྟར་སེམས་ལས་ཁྱོད་བསྐྱེད་ཀྱང་།། སེམས་ཅན་ལས་ཀྱིས་མཚོན་དུ་ཡང་།། ཁྱོད་ཀྱི་མཚོན་པའི་ཕ་མ་ནི།། ཉི་མ་ཤར་ཕྱོགས་པ་ཀི་ན།། དྲི་འདུལ་དྲི་ཟའི་རྒྱལ་མོ་སྟེ།། དུང་གི་ཁོང་སེང་བཅུ་དྲུག
344b2 ལ།། མ་ཡི་དུམ་བུ་རུམ་དུ་ཡང་བུ་ལ་བརྒྱན།། གནམ་གྱི་རྒྱལ་པོ་གཙུག་ཕུད་ཅན།། མ་ནི་ལྟེ་མཚོན་རྗེ་སྟེང་སྟེ།། རྡོ་རྗེ་ཁྲོས་པའི་དབང་མོ་ཆེ།། དཔག་བསམ་བུམ་པར་མཚོན་པའི་སྲས།། བཅུད་ཀྱི་རྒྱལ་མོ་ལྗང་འཛིན
344b3 མ།། རྒྱ་གར་ནང་ན་སྐུ་བཞུགས་ནས།། ལས་སུ་ལྷོག་པ་དཀར་ནག་གཏོང་།། རྒྱ་ཡི་རྒྱལ་མོ་ཤ་ས་ལེ།། བྷ་ག་ཧྲི་ཏི་རྒན་བྱེད་མ།། གནོད་སྦྱིན་འདུལ་བའི་དབང་མོ་ཆེ།། སྔོ་སྐྱ་སྲོལ་པོས་ཐུགས་དམ་བསྐང་།། བསྐང
344b4 ངོ་དམ་ཅན་རྒྱལ་མོ་བསྐང་།། སྲོག་མེད་མདངས་ཀྱིས་ཐུགས་དམ་བསྐང་།། ལྷ་མེད་གཟུགས་ཀྱིས་ཐུགས་དམ་བསྐང་།། བྱོན་པ་ན་ལེ་ཤ་མི་སང་སང་ཧེ་ཧེ་ཀེ་མུ་ཁུ་ལོ་བྷྱོ། མ་མོ་སྲིད་པའི་བེམ་ལས། མངའ་བདག
344b5 ཆེན་མོ་གཙུག་ཕུད་ཅན་བསྐང་བའི་ལེའུའི་སྐབས་སོ།། །། དེ་ནས་མཚོ་སྨན་ཆེན་མོ་སྒྲུབ་པ་ལ།། བསྐང་བའི་སྐབས་འདི་གསུངས་སོ།། ལུག་ཆུ་ཁ་དང་ཁྱི་སྔོན་མོ་ཤེལ་མིག་སྦྲུལ་དེ་རྣམས་ཀྱིས་བསྐང་བའོ།། ཧཱུཾ་སྐྱེ
344b6 མེད་བྷ་ག་ཀློང་ཆེན་ནས།། སྐྱེད་པར་མེད་པར་སྐུ་འཁྲུངས་ཏེ།། རིགས་པའི་ལྷ་མོ་དཔལ་གྱི་ལྕམ།། མཚོ་སྨན་ཆེན་མོ་ལྗང་འཛིན་མ།། གསེར་གྱི་ཁྲི་ལ་གཡུ་ཡི་གདན་སྟེང་ནས།། ཕྱག་ན་འཕྲུལ་གྱི་མེ་ལོང
iiif viewer powered by OpenSeadragon