| e-texts navigator |
| Wylie |
343b1 བསྐང་།། དབང་ཕྱུག་གསང་བའི་ཡུམ་གཅིག་མ།། བསྐང་རྫས་སྨུག་རྒྱ་སྲོལ་པོས་བསྐང་།། སྟོང་པས་སྟོང་པ་བསྒྲལ་བ་ལ།། བསྒྲལ་ཞེས་བྱ་བའི་ཐ་སྙད་མེད།། བྷོ་ན་ལ་པ་ཧཱུཾ་ལེ་ཏྲེ་ཏྲེ་ཤག་ཏྲེ་ཤ་ཧཱུཾ་བྷྱོ། མ་མོ་སྲིད་པའི
343b2 བེམ་ལས། མ་མོ་སྨུག་མོའི་བློན་མོ་བསྐང་བའི་སྐབས་སོ།། །། མངའ་བདག་ཆེན་མོ་གཙུག་ཕུད་ཅན།། གག་པ་དང་ལྷོག་པའི་མངའ་བདག་དེ་བསྐང་བ་ནི། སྔོ་རྒྱ་སྲོལ་པོ་གླ་བ་དང་བྱ་ནག་མོ་ཞོ་ཐིག་ཅན་དེས
343b3 བསྐང་ངོ་།། ཧཱུཾ་མཁའ་དབྱིངས་བདེ་ཆེན་འདུ་འབྲལ་མེད་པ་ན།། ཕ་མེད་མ་མེད་བློན་མོ་སྐྱེ་ཤི་མེད།། ལས་ཀྱི་རྒྱལ་མོ་ཆེན་མོ་ལས་མཁན་མོ།། དབང་ཕྱུག་གསང་བའི་ཡུམ་གཅིག་བདེ་སྤྱོད་མ།། སྐྱེ་མེད་བྷ་གའི
343b4 དབྱིངས་ནས་སྐུ་འཁྲུངས་ནས།། སྐྱེ་ཤི་ཟློག་པར་བྱེད་པའི་མངའ་བདག་མོ།། སྐྱེ་ཤི་ལས་ལ་མངའ་མཛད་མངའ་བདག་མོ།། སྐྱེ་ཤི་ལས་ལ་མངའ་མཛད་མངའ་བདག་གཙུག་ཕུད་ཅན།། བསྐང་བའི་མཐུན་རྫས་འདི
343b5 ཡིས་ཐུགས་དམ་བསྐང་།། དབང་ཕྱུག་གསང་བའི་ཡུམ་གཅིག་ལས་མཛད་མ།། གནམ་སའི་བར་ལ་མངའ་མཛད་དབང་མོ་ཆེ།། ཏིར་ཡ་རྒྱ་ཡི་ཡུལ་དུ་གྲུབ།། རྒྱ་ནག་ནང་དུ་སྐུ་བཞུགས་ཚེ།། ལྷོགས་པ་སྐྲངས་པའི
343b6 མངའ་བདག་མོ།། བར་སྣང་ནམ་མཁའི་ཕྱི་མཐོངས་ནས།། སྲིད་པ་གནམ་གྱི་ཡ་བ་བསྐོར།། སྨུག་ནག་ཆེན་མོ་རབ་གསལ་འཕགས།། ཁྱོད་ནི་སྐྱེ་མེད་དབྱིངས་ནས་འཁྲུངས།། བྱང་ཆུབ་སེམས་ལ་སྐྱེ་ཤི
iiif viewer powered by OpenSeadragon