| e-texts navigator |
| Wylie |
342b1 མཁའ་ཀློང་དག་པ་ནས།། བདེ་ཆེན་འདུ་འབྲལ་མེད་པའི་སྐུ་འཁྲུངས་ཏེ།། ཡེ་མེད་སྟོང་པ་རབ་ཏུ་གསལ་བ་ནས།། བདེ་ཆེན་འདུ་འབྲལ་མེད་པ་སྤྱན་དྲངས་ནས།། བལ་ནད་འདར་བུའི་དལ་ཀ་བཅད་པའི
342b2 ཕྱིར།། ལྷ་མོ་ཁྱོད་ལ་ཐུགས་དམ་བསྐང་།། སྲིད་པ་ཧོར་ལྕམ་རྐང་མགྱོགས་མ།། གནས་ནི་རི་རབ་རྩེ་ལ་བཞུགས།། སྐུ་མདོག་ནག་མོ་ལྕགས་ཀྱི་རལ་པ་ཅན།། དབྱིངས་ཀྱི་མ་མོ་རྒན་བྱེད་མ།། སྟག་མཁར་དགུ་ཁྲི
342b3 དགུ་ཐོགས་ན།། མ་མོ་ཆེན་མོ་སྐུ་བཞུགས་ཏེ།། ཁང་མིག་གཅིག་ལ་སྐར་ཁུང་བརྒྱ།། ལོགས་ལ་མདའ་ཁུང་བརྒྱ་བཏོད་དེ།། རྣམ་ཤེས་ཚོགས་བརྒྱད་དུས་གཅིག་གཟིགས།། ལྷ་མོ་ཆེན་མོ་དྲི་ཟ་འདུལ།། ཤར་གྱི
342b4 ཕྱོགས་ཀྱི་ཉི་ཟེར་ལ།། དྲི་ཟ་བདུལ་བའི་གཉེན་པོ་མཛད།། དྲི་འདུལ་གསང་བའི་ཡུམ་གཅིག་མ།། ཧོར་ལྕམ་རྐང་མགྱོགས་གསང་བའི་ཡུམ་གཅིག་མ།། ཕུང་བྱེད་སྦས་པའི་མ་བཞི་མ།། ཧོར་ལྕམ་རྐང་མགྱོགས་བྲན
342b5 དུ་འཁོལ།། སྐུ་ལུས་གཅིག་ལ་སྤྱན་མིག་བརྒྱ།། ཁང་མིག་གཅིག་ལ་སྒོ་མོ་བརྒྱ།། སྟེང་དུ་སྤྱན་མིག་གཟིགས་པ་ཡིས།། སྟེང་གི་ལྷ་བྲན་དུས་གཅིག་འདར།། སྨན་མོའི་ཚོགས་ནི་སྐྲག་པར་བྱེད།། ལྷ་མོ་ཁྱོད་ཀྱི་སྐུ་ཉིད
342b6 ནི།། མ་མོ་སྟོང་གི་ཕོ་ཉ་བྱེད།། ཕྱོགས་བཞིར་གོམ་པས་ཕྱིན་པའི་རྐང་མགྱོགས་མ།། ཞང་པོ་ཡ་བདུད་ཧོར་ལྷ་བག་པས་གདུག་པའི་ལྕམ།། སྐྱེ་ཤི་མེད་པར་རྐག་མགྱོགས་མ།། མ་ནི་སྲིད་པའི་བདེ་འགྲོ་མ།། སྐུ་ནི
iiif viewer powered by OpenSeadragon