| e-texts navigator |
| Wylie |
341b1 འབབས།། ཞབས་ལ་འཁོར་ལོ་སྟོང་གིས་གཏམས།། འཁོར་ལོའི་སྟེངས་ནས་སྐར་མདའ་གཏང་།། སྤྱན་གྱི་དཀྱིལ་ནས་འབྲུག་ཆེན་འགྱུ།། དར་ནག་གུར་ཆེན་འོག་དཀྱིལ་ན།། དཀར་མོ་བརྒྱ་ཡི་ལས་བྱེད
341b2 མཛད།། བདུད་རྩིའི་ཐིགས་པ་ཕྱག་ལས་འཛག། བཞོགས་ཕྱེད་ནད་དང་དྲེག་ནད་གཏོང་།། དྲེག་ནད་གཏོང་བའི་དབང་མོ་ཆེ།། ཁྲ་ཧོར་རྩལ་པོས་ཐུག་དམ་བསྐང་།། ཕ་ཡིས་རྩལ་བྱིན་མཆུ་གུག་ཟླུམ།། མ་ཡིས་རྩལ
341b3 བྱིན་བྲང་རུས་རྣོ།། ཞང་པོས་རྩས་བྱིན་གསོད་ལ་དགའ།། སྡེར་མོ་ཟངས་སྡེར་མིག་རྩ་དམར།། མངག་པའི་ལས་ལ་ཐོགས་ཆགས་མེད།། ཐིགས་པ་རབ་ཟགས་ཐུགས་དམ་བསྐང་།། ཐུགས་དམ་སྐུ་ལ་མི་བསྐང
341b4 དུ།། རྒྱལ་པོ་འབའ་ལ་བསྙུང་བ་ལ།། འབར་བ་བརྒྱད་ཀྱི་ཐུགས་དམ་བསྐང་།། གཞོགས་ཕྱེད་རིམས་ནད་ད་ལ་ཁ་སྦྱར།། མུ་ས་ཛ་ཧཱུཾ་སེ་ཤུ་ཛ། མ་མོ་སྲིད་པའི་བེམ་ལས། ལས་བྱེད་མ་མོ་ཐིགས་པ་རབ་ཟགས་མའི
341b5 སྐབས་སོ།། །། མུ་མེན་གཡུའི་གོ་ལྕོག་ཅན་ལ་བསྐང་བ་འདི་གསུངས་སོ།། ཁ་ལ་རབ་འབར་མཐུ་མོ་ཆེ།། མུ་མེན་གཡུ་ཡི་གོ་ལྕོག་ཅན།། ཡེ་ནས་ཁ་རྒྱལ་ཁྱབ་པའི་སྐུ།། གསང་བ་གསུམ་གྱི་དབང་ཕྱུག
341b6 མ།། གསེར་གྱི་ཐོད་གདེངས་ཐོར་ཚུགས་ཅན།། གཡུ་མཁར་ལྡེམ་པའི་ནང་ཤེད་ན།། རིན་ཆེན་འབར་བའི་སྒོ་མོ་གསལ།། འགྲམ་བཞི་ཆུ་ལས་བགྱིས།། ལོགས་བཞི་རླུང་ལས་བགྱིས།། ཡང་ཐོག་ནི་གཡུ་ཡིས
iiif viewer powered by OpenSeadragon