| e-texts navigator |
| Wylie |
32a1 མཛད་པའི།། འབྱུང་བ་ཆེ་ལ་དབང་སྒྱུར་མ།། དབུ་གསུམ་ཕྱག་དྲུག་ཞབས་བཞི་མ།། གྲི་གུག་ཏྲི་ཤཱུལ་བདུད་རྩི་གཡས།། བྷནྡྷ་ཞིང་ཆེན་གཡང་གཞི་གཡོན།། གཙོ་བདག་ཚུལ་འཛིན་རབ་ཏུ་སྒེག། དགྱེས
32a2 མཛད་རབ་ཏུ་རོལ་པ་ལས།། འདུལ་བྱེད་སྤྲུལ་པ་རབ་ཏུ་འཕྲོ།། ཕྱོགས་བཅུ་འཇིག་རྟེན་ཁམས་ཀུན་གྱི།། གཏུམ་པོ་གདུག་པའི་ཚུལ་འཆང་བའི།། དྲག་སྔགས་བདག་པོ་མ་ལུས་ཀུན།། རང་ཉིད་སོ་སོའི་འཁོར་བཅས
32a3 པའི།། བརྟེན་དང་གནས་ལ་རེ་རེར་སྣང་།། རང་དབང་མེད་པར་འདུད་ཅིང་གཡོ།། ཨོཾ་བཛྲ་སརྦ་དུཥྚཱན་ཨེ་ཀ་ཡ་མ་མ་བྷེ་ར་བྷ་གྲྀ་ཧྞ་ཧཱུཾ་ཕཊ། བདུད་དང་གཤིན་རྗེ་སྲིན་པོ་དང་།། གནོད་སྦྱིན་ལྷ་དང་ལོག་ལྷ་ཅན།། རྨུ་རྗེ
32a4 ཆེ་དང་ཕྱི་རོལ་ཕྱོགས།། གདུག་བྱེད་མཁའ་ལ་རྒྱུ་བ་དང་།། བྱོལ་སོང་ལྟོས་འགྲོ་ལུས་འཛིན་དང་།། ང་རྒྱལ་འཆང་དང་སྤྲུལ་པ་ཅན།། མཐའ་འཁོབ་གནས་མཐའ་མ་ལུས་རྒྱུ།། ལྷ་བདུད་མི་མ་ཡིན་གྱི་གནས།། ཁ་བ
32a5 ཅན་དུ་ཕྱོགས་ཤིང་བསྲེག། ལས་ཀྱི་ལུས་ཀྱི་ནུས་པའི་འབྱིན།། མ་ལུས་པ་རྣམས་ཐམས་ཅད་ཀུན།། ཤུགས་དྲག་རླུང་གིས་བསྐྱོད་པ་བཞིན།། རབ་ཏུ་འདར་ཞིང་མདུན་དུ་གནས།། ཐུགས་རྗེ་བདག་པོས་དགོངས་མཛད
32a6 ཀྱང་།། གཏུམ་རྔམ་འཇིགས་བྱེད་ཆེན་པོའི་སྐུ།། གསང་ཚིག་དྲག་པོ་གསུང་གི་སྒྲས།། མ་ལུས་ཚིམ་པར་བཀའ་སྩལ་པ།། ཨེ་མ་འཇིག་རྟེན་ཁམས་ཀུན་གྱི།། དྲག་སྔགས་བདག་པོ་དྲེགས་པ་ཅན།། སྔོན་གྱི་རྡོ་རྗེ་འཆང
iiif viewer powered by OpenSeadragon
