| e-texts navigator |
| Wylie |
31b1 ལས།། ཕྱོགས་བཅུ་ནམ་མཁའི་མཐར་ཐུག་ཀུན།། ལྗང་ནག་རླུང་གིས་རབ་ཏུ་དཀྲོགས།། ཁྲག་གི་རྦ་ཀློང་འཁྲུག་ཅིང་གཡོ།། ཤ་རུས་གཏམས་པའི་ས་གཞི་ལས།། བསྐལ་པའི་མེ་རི་རབ་ཏུ་འབར།། བྷནྣ་འབར་བའི
31b2 གཞལ་ཡས་ཁང་།། གདུག་ཅིང་འཇིགས་སུ་རུང་བ་ནི།། སྟོབས་ཆེན་རྣམས་ཀྱང་ཉེར་མི་སྤྱོད།། ཕྲིན་ལས་མ་ལུས་རྫོགས་མཛད་ལུས།། ཕྱི་ནང་མཐའ་དབུས་ཀུན་ལ་ཁྱབ།། བསྟན་ལ་རབ་སྡང་ཕ་རོལ་པོས།། ཕུང་པོ
31b3 ཞབས་ཀྱི་གདན་དུ་བཏིང་།། འོད་གདན་གཙང་མ་གསུམ་དང་བཅས།། ཆེ་བ་མཆོག་གི་སྐུར་མཛད་དེ།། རིག་ཅན་མཐར་གནས་དབུར་མནན་ཅིང་།། སྟོང་པ་བཅོ་བརྒྱད་དག་ཅིང་སྣང་།། ཕྱག་གིས་དྲེགས་པའི་ལྷ་བརྒྱད
31b4 བསྒྲལ།། བྷནྣ་ཙིཏྟ་གཡས་གཡོན་བསྣམས།། ཐུགས་ཀྱི་དབང་རྟགས་དང་པོས་གཟུང་།། ཐུགས་རྗེ་མི་འགྱུར་མཐིང་ནག་མདོག། མི་འཇིགས་རིག་པར་མནན་པའི་ཞབས།། བདུད་བཞི་ཕྱོགས་དང་བཅས་པ
31b5 གནོན།། མ་ལུས་དབང་དུ་སྡུད་པའི་ཕྱིར།། རལ་པ་ཁམ་ནག་སྲིད་རྩེ་འབར།། འབར་བའི་སྤྱན་གྱིས་ཁམས་གསུམ་གཟིགས།། གདངས་པའི་ཤངས་ཀྱིས་སྲིད་གསུམ་རྔུབ།། ཤངས་ཀྱི་རླུང་སྒྲས་སྟོང་གསུམ་ཁྱབ།། རྣོ
31b6 དཔལ་ཚེམས་ཀྱིས་གདུག་པ་སྒྲོལ།། ལྗགས་འདྲིལ་རྐན་སྒྲ་དྲག་པོར་བརྡེབས།། ཁྲོ་གཉེར་འོད་ཀྱིས་དབང་དུ་སྡུད།། དཔའ་བའི་ཆས་ཀྱི་རབ་ཏུ་བརྒྱན།། བསྲུང་བའི་ལྷ་རྣམས་སྐུ་ལ་རྫོགས།། སྟོབས་ལྡན་དེ་ཉིད་མཉེས
iiif viewer powered by OpenSeadragon
