| e-texts navigator |
| Wylie |
30b1 གང་བ་བཟང་པོ་དང་། ཡུམ་གནོད་སྦྱིན་མོ་ཤ་ཟ་རལ་གཅིག་མ་དང་། ལྷའི་རྒྱལ་པོ་དབང་ཕྱུག་ཆེན་པོ་དང་། རུ་ཏྲའི་བདག་པོ་ཐར་པ་ནག་པོ་དང་། རྨུ་རྗེ་བཙན་པོ་རྒྱལ་པོ་ཆེན་པོ་དང་། ཕྱི་རོལ་ལྷའི་བདག་པོ་ཀ་ལ་ནག
30b2 པོ་དང་། ཁྱབ་འཇུག་ཆེན་པོ་ཀུན་ཏུ་རྒྱུ་བ་དང་། ཀླུའི་བདག་པོ་གཞོན་ནུ་གཏུམ་པོ་དང་། ལྷའི་རྒྱལ་པོ་ལི་བྱིན་ཆེན་པོ་དང་། གནོད་སྦྱིན་ཆེན་པོ་ལག་རྒྱུ་པ་དང་། བདག་ཉིད་ཆེན་པོ་རྡོ་རྗེ་མཛེས་པ་དང་། ཀླུ་བདུད་ཆེན་པོ
30b3 ཡམ་ཤུད་དམར་པོ་དང་། གཞན་ཡང་ལྷ་དང་། ཀླུ་དང་ལྷ་མ་ཡིན་དང་། ཟ་བྱེད་དང་། ཡི་དྭགས་དང་། འབྱུང་པོའི་ཚོགས་དང་། ཕོ་ཉའི་ཚོགས་འཇིགས་པར་བྱེད་པས་བསམ་གྱིས་མི་ཁྱབ་པར་རབ་ཏུ་འདུས་སོ།། དེ
30b4 ནས་བཅོམ་ལྡན་འདས་ཀྱིས་གདུག་བྱེད་ཆེན་པོའི་འཁོར་དེ་དག་རབ་ཏུ་འདུལ་བར་མཁྱེན་ནས།། དུར་ཁྲོད་ཆེན་པོའི་དཀྱིལ་འཁོར་མངོན་པར་སྤྲུལ་པར་མཛད་དེ། ནམ་མཁའི་དབྱིངས་ཀྱི་དཀྱིལ་འཁོར་དག། གཟུགས
30b5 སུ་བརྙན་པ་རབ་ཏུ་འཇིགས།། སྒྲ་ནི་མི་སྙན་དྲག་ཅིང་གཏུམ།། དྲི་ནི་མི་ཞིམ་རུལ་མྱགས་བསུང་།། རོ་ནི་ཁ་སྒུར་ཚ་བར་བྲོ།། རེག་བྱ་ཚ་རྩུབ་མི་སྡུག་སྤྱོད།། ཞེ་སྡང་ཆེན་པོའི་མེ་འབར་ཞིང་།། ང་རྒྱལ་ཀེང་རུས་བྲག་ཏུ
30b6 གཏམས།། གཏི་མུག་མུན་ནག་རབ་ཏུ་འཐིབས།། འདོད་ཆགས་ཁྲག་གི་ཆུ་ཆེན་འབྲུག། ཕྲག་དོག་རླུང་ནི་རབ་ཏུ་འཁྲུགས།། སྟི་ར་ཆེན་པོའི་ལོངས་སྤྱོད་ལ།། སྟག་གཟིགས་ཅན་གཟན་ཅེ་སྤྱང་དང་།། ཀང་ཀ་དུར་བྱ
iiif viewer powered by OpenSeadragon
