| e-texts navigator |
| Wylie |
29a1 འཆང་།། རང་གི་རིག་འཛིན་བྱང་ཆུབ་སེམས།། བརྟུལ་ཞུགས་ཅན་གྱིས་འགྲུབ་པ་ཡིས།། དབུས་དང་མཐའ་འཁོབ་ཡུལ་རྣམས་དང་།། སངས་རྒྱས་ཞིང་གི་འཇིག་རྟེན་ཁམས།། ཀུན་ནས་སྡེ་དཔོན་གཡོག
29a2 བཅས་པའི།། ཡིད་དང་དངོས་པོའི་ལུས་ཅན་རྣམས།། ཁམས་དང་རིགས་པ་བསམ་པ་དང་།། སྐྱེད་པ་བརྟེན་གནས་ཡོ་བྱད་དང་།། མ་ལུས་རྫོགས་པར་རབ་ཏུ་རྟོགས།། ཤེས་ལྡན་མིག་ཅན་རྣམས་ལ་སྟོན།། དེ་ཚེ་དྲེགས
29a3 པའི་གཙོ་ཆེན་རྣམས།། ད་ལྟ་ང་ཡིས་གདམས་པ་ཡིན།། ཡང་དག་དོན་ལ་མ་འདའ་ཅིག། ཁྱེད་རྣམས་ཀྱང་ནི་དུས་ནམ་ཞིག། ལས་ཀྱི་གནས་ངན་ལེན་སྤངས་ཏེ།། བྱང་ཆུབ་ས་ལ་མྱུར་འགྲོ་ཡིས།། དེ་བས་བཀའ་ཡི་དམ
29a4 མནོས་ལ།། ཇི་ལྟར་དམིགས་པ་བཞིན་སྒྲུབས་ཤིག། གསང་ཆེན་ང་ཡི་བསྟན་པའི་ཚུལ།། ཕྱི་རོལ་ཕྱོགས་ལ་སོགས་པ་ཡིས།། ཉམས་ཤིང་སྨྲས་པར་མི་འགྱུར་བས།། རྒྱས་ཤིང་བསྟན་པར་ཁྱོད་ཀྱིས་བྱོས།། ཞེས་བཀའ
29a5 སྩལ་ཏོ།། འཇིག་རྟེན་གྱི་སྡེ་དཔོན་ཆེན་པོའི་རྟེན་རྫས་དང་ལས་ཀྱི་གཉེར་བསྒོ་བའི་ལེའུ་སྟེ་བཅུ་པའོ།། །། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་ཉིད
29a6 གསང་བ་ཆེན་པོའི་སྐུའི་རྣམ་པར་རོལ་པ་ཆེན་པོ་དེ་དག་ཉིད་ཀྱི་སྐུ་ལ་རབ་ཏུ་བསྡུས་པ་མཛད་དེ།། དགྱེས་པའི་གསུང་གིས་འདི་སྐད་ཅེས་བཀའ་སྩལ་ཏེ། ཀྱེ་མ་འདུས་པའི་འཁོར་ཚོགས་རྣམས།། བདུད་དང་གཤིན་རྗེ
iiif viewer powered by OpenSeadragon
