| e-texts navigator |
| Wylie |
28a1 རུས་ཁྲག་སོགས་ལོངས་སྤྱོད་ཅིང་།། ངོ་མཐོན་རབ་ཏུ་ཆེ་བ་ན།། ལས་བྱས་འགྲུབ་པའི་རྟགས་ཡིན་ནོ།། ཕ་རོལ་དམག་ཚོགས་མ་བྱུང་ཞིང་།། སྒོ་མེད་ཁང་པར་བདག་ཞུགས་ལ།། ངན་སྔགས་གཞན
28a2 གྱིས་བཟློག་པའི་རྟགས།། བྱེ་བྲག་སྡེ་བརྒྱད་སོ་སོ་ནི།། མི་དང་དུད་འགྲོ་འདབ་ཆགས་སོགས།། ཕོ་ཚོགས་ནག་པོ་བདུད་ཀྱི་རྟགས།། མོ་ཚོགས་རྒྱན་བཟང་མ་མོ་སྟེ།། ཆེ་བཙན་འབག་སེང་གཙུག་ལག་ཁང་།། བུས
28a3 པ་སྒྲ་སྒྲེ་རྒྱལ་པོའི་རྟགས།། མི་རྟ་ཁྲ་སྦྱང་རི་དྭགས་ནི།། བྲག་བཙན་རི་བཙན་རྟགས་ཡིན་ནོ།། ཆུ་གནས་དུད་འགྲོ་ཀླུ་ཡི་རྟགས།། མ་ཧེ་ར་ལུག་མིག་མངས་དང་།། མུན་པ་བུ་ཡུག་གཟའ་ཡི་རྟགས།། སྐྱེས་པ་ཆས
28a4 བཟང་འབྱོར་པ་ཅན།། རི་མཚོ་ལ་གནས་གནོད་སྦྱིན་རྟགས།། ཉ་པ་ཤན་པ་བྱ་བ་དང་།། དམག་གི་གོ་མཚོན་སྲིན་པོའི་རྟགས།། འདི་དག་སྔར་བཤད་བཟང་ངན་སྦྱར།། བྱེ་བྲག་སྒྲུབ་པའི་རྟགས་སུ་འགྱུར།། ཞེས
28a5 བཀའ་སྩལ་ཏོ།། འཇིག་རྟེན་གྱི་སྡེ་དཔོན་ཆེན་པོ་བསྒྲུབ་པའི་རྟགས་ཀྱི་ལེའུ་སྟེ་དགུ་པའོ།། །། དེ་ནས་གཞན་ཡང་རབ་བཤད་པ།། དྲེགས་པ་ཅན་གྱི་ཁྱད་པར་རྫས།། མཛེས་པའི་གཟུགས་བརྙན་སྐུ་ཡི
28a6 རྟེན།། མིང་ནས་བོད་པ་གསུང་གི་རྟེན།། ཕྱག་མཚན་དམ་པ་ཐུགས་ཀྱི་རྟེན།། ལུག་གཡག་དཀར་པོ་སྦལ་སྦྲུལ་ཉ།། གླང་རྟ་སྔོན་པོ་རིན་པོ་ཆེ།། གཡུལ་བཤམས་མྱུར་བསྒྲལ་བྱ་གཅན་དང་།། རྣལ་བུ་ཤེལ་ནག་བྱ
iiif viewer powered by OpenSeadragon
