| e-texts navigator |
| Wylie |
27a1 དང་དུས།། ཆགས་སྡང་སྙིང་སྲོག་སྙིང་རྗེ་གཙེར།། རྡོ་རྗེ་པདྨ་རླུང་དང་གནས།། ཐབས་དང་ཤེས་རབ་ཆོས་ཅན་དང་།། ཆོས་ཉིད་ལས་དང་འབྲས་བུ་ཡིས།། མི་འཚང་གནད་འཚང་བོང་དང
27a2 དྲང་།། གྲོགས་དང་ལྡན་པས་ལས་ལ་སྦྱར།། ཞེས་བཀའ་སྩལ་ཏོ།། འཇིག་རྟེན་གྱི་སྡེ་དཔོན་ཆེན་པོ་རྣམས་ཀྱི་ལས་སྣ་ཚོགས་ཀྱི་རྩ་བའི་སྙིང་པོ་གནད་ཀྱི་ལེའུ་སྟེ་བརྒྱད་པའོ།། །། དེ་ནས་ཡང་དག་བཤད་བྱ
27a3 བ།། འཇིག་རྟེན་དྲེགས་པའི་གཙོ་ཆེན་རྣམས།། ཚུལ་བཞིན་རབ་ཏུ་བསྒྲུབ་པ་ཡིས།། གྲུབ་ཅིང་ཉེ་བའི་རྟགས་རྣམས་ནི།། ཉམས་དང་རྦད་རྟགས་རྨི་ལམ་རྟགས།། འདི་ལ་སོ་སོར་འབྱུང་འགྱུར་ཏེ།། དགའ་ཞིང
27a4 མདངས་ལྡན་སྟོབས་རྙེད་དང་།། བདེ་དང་རྟོགས་པ་སྤྲོ་བསྐྱེད་ཅིང་།། མངོན་རྒྱུ་ཡིད་ཀྱིས་གདེང་ཐོབ་ཀྱིས།། ཉམ་ང་བག་ཚ་དོགས་མེད་ཅིང་།། ནུས་ལྡན་ཕྲིན་ལས་མཐར་ཕྱིན་རྟོགས།། འདི་དག་ལ་སོགས་རིམ
27a5 པར་འབྱུང་།། ལུས་འཇམ་དབུགས་ཀྱིས་མི་གནོད་ཅིང་།། ཡང་ཞིང་བརྟན་ལ་ཁྱད་པར་དགའ།། ནད་དང་གདོན་གྱིས་བརྫི་མི་ནུས།། འབྱུང་བའི་ནུས་པས་མི་སྐྱོད་ཅིང་།། ཁ་དོག་དང་ལྡན་སྡུག་ཅིང་མཛེས།། འདི་ལ
27a6 སོགས་པ་ལུས་འབྱུང་གདའ།། ཇི་ལྟར་བསྒོ་བ་གཞན་གྱིས་འཛིན།། རང་དང་སངས་རྒྱས་རྣམས་ཀྱིས་གསུངས།། མཐུན་པའི་ཚུལ་གྱིས་མི་དོར་ལ།། སྙན་དང་མི་སྙན་ཅི་བརྗོད་རྣམས།། ཚངས་པ་ཡི་དབྱངས་བཞིན
iiif viewer powered by OpenSeadragon
