| e-texts navigator |
| Wylie |
25b1 དབུལ།། གཙོ་དང་འཁོར་གྱི་རབ་ཕྱེ་བའི།། དྲག་པོའི་ཚིག་གིས་རབ་ཏུ་བགྲང་།། དྲེགས་པའི་བདག་པོ་སོ་སོ་ཡི།། ཆེ་བརྗོད་གནད་དང་བཅས་པ་ཡིས།། སྟབ་ཅིང་སྦྱིན་པ་རིམ་བཞིན་བྱ།། དྲང་སྲོང་ཕྲིན་ལས་རྫོགས
25b2 པར་བསྐུལ།། ཐལ་ཆེན་དང་ནི་དྲག་པོའི་རྫས།། རྨེ་ཁྲག་གསུམ་དང་གསོད་བྱེད་གསུམ།། མཚོན་བྲལ་རིན་ཆེན་གསུམ་གྱི་དབྱིག། རང་བྱུང་བཀྲ་ཤིས་བཟློག་པའི་རྫས།། ནང་དུ་འདུ་འཕྲོར་སྦྱར་བ་ནི།། སྒྲ་ཚིག་ཏིང
25b3 ངེ་འཛིན་ལྡན་པས།། སྟོབས་ཆེན་འཁོར་ལོས་དབབ་ཅིང་འཕང་།། དྲེགས་པ་འཁོར་བཅས་ལས་སུ་དམིགས།། གཞན་ཡང་མཆོད་རྫས་གཟུགས་བརྙན་བྱས།། རབ་ཏུ་བསྟན་པའི་དམིགས་པས་བསྟིམ།། འགྱུ་གནས
25b4 ས་དང་ཆུ་ཕུག་དང་།། སྲ་གཤེར་འཐབ་དང་ཕུང་ཤུལ་དང་།། རྒྱ་མཚོའི་དབུས་དང་ལམ་པོ་ཆེ།། མཚོན་གྱིས་བརྡེགས་དང་རླུང་གིས་བསྐྱལ།། བག་མེད་ལྷུང་ཞིང་མེ་ཆུས་འཇོམས།། ལུགས་ནས་བྱུང་བའི་རྟེན་འབྲེལ
25b5 ཏེ།། བརྣག་པའི་ཡིད་ཀྱིས་འཛིན་ཕུར་གདབ།། གདུག་བྱེད་འཁོར་དང་ཟས་སུ་གཏད།། ཇི་སྲིད་འཁོར་བ་མ་སྟོངས་པར།། ཐར་པར་མི་འགྱུར་ལས་ཀྱི་གིང་།། བྱམས་དང་སྙིང་རྗེའི་སེམས་མ་རྟོགས།། འདི་ལྟར
25b6 མངོན་པར་སྤྱད་པ་ཡི།། བསྟན་ལ་རབ་སྡང་ཕྱིར་གྱུར་པའི།། རྗེས་འབྲང་ལོག་པར་ལྟ་བ་རྣམས།། ཚར་གཅོད་སྒྲོལ་ཞིང་འདུལ་བ་ཡི།། ཞེས་བཀའ་སྩལ་ཏོ།། འཇིག་རྟེན་གྱི་སྡེ་དཔོན་ཆེན་པོའི་ཕྲིན་ལས་དྲག་པོའི
iiif viewer powered by OpenSeadragon
