| e-texts navigator |
| Wylie |
25a1 རྣམས།། དྲག་པོའི་ལས་ལ་སྦྱར་བ་ནི།། དུར་ཁྲོད་གདུག་པའི་གནས་དག་ཏུ།། རྩ་བའི་བསྙེན་པ་སྔོན་སོང་ནས།། སོ་སོའི་མཐུན་པའི་རྫས་བསར་ཏེ།། དྲག་པོའི་ལས་ཀྱི་ཁང་པ་ནི།། ཨེ་དབྱིབས་སུམ
25a2 ཅུ་ལྡན་པར་བཤམ།། ཕྱི་ནང་གསང་བ་སྐུ་གསུང་ཐུགས།། གནས་བྱིན་བརླབ་དང་བསྐང་དང་མཆོད།། སྤྱི་དང་སོ་སོར་བསྔགས་པ་དག། རབ་ཏུ་བདེ་བར་འདོད་པས་དམིགས།། གཟུགས་སྒྲ་བསམ་པའི་ནུས་པ
25a3 ཡིས།། ལུས་དང་ལུས་ཀྱི་འཕྲུལ་འཁོར་དང་། སྲོག་དང་སྲོག་གི་གཉེན་པོ་ཡིས།། སེམས་དང་སེམས་ཀྱི་ངོ་བོ་ལས།། ཕྱི་ནང་ཀུན་ཏུ་བསྔགས་པ་སྟེ།། འཕྲོ་འདུ་འོད་ཀྱིས་དྲང་ཞིང་དགུག། རང་གཞན་དམིགས་པ་དེ
25a4 ལ་སྟིམ།། ཤ་ལུས་ཁྲག་སོགས་མ་ལུས་བཟས།། དྲེགས་པའི་སྡེ་དཔོན་སྐུ་གསུང་ཐུགས།། མ་ལུས་མཉེས་པ་འདི་ཡིས་བྱ།། གང་ལ་དམིགས་པ་ཚད་ཀྱིས་སྒྲོལ།། ཏིང་ངེ་འཛིན་གྱི་བརྟུལ་ཞུགས་ཀྱིས།། བུལ་དང་མྱུར
25a5 བ་བློ་ཡི་སྟོབས།། འདི་ལ་ཐེ་ཚོམ་མི་བྱ་སྟེ།། རྡོ་རྗེ་འཆང་ཆེན་གསང་བའི་བཀའ།། གལ་ཏེ་འབར་བས་མངོན་སྤྱོད་ཅིང་།། མྱུར་དུ་འཕོ་བར་བྱ་བ་ནི།། རྣོ་དཔལ་ཚ་རྩུབ་དྲི་ང་བའི།། ཡམ་ཤིང་གདུག་པས་དབྱིབས
25a6 ལྡན་བཙིག། གདོལ་པ་རིགས་ངན་ཤན་པ་དང་།། གཡུང་མོ་གྲོགས་བྲལ་ཁྱིམ་གྱི་མེས།། སྦར་ཞིང་དུག་ཁྲག་མངར་བ་ལ།། གཟུགས་བརྙན་རྫོགས་པར་ལོངས་སྤྱོད་པའི།། སླར་ཡང་དམིགས་ཏེ་ལྷག་མ
iiif viewer powered by OpenSeadragon
