| e-texts navigator |
| Wylie |
24b1 མི་ལྡོག། ཤིན་ཏུ་ཉེ་བ་ཡོན་ཏན་ཏེ།། རང་ལ་རྩུབ་ཅིང་འཚེ་བ་དང་།། ལོངས་སྤྱོད་མི་འབྱོར་མི་འཕྲོད་དང་།། གློ་བུར་ནད་ཀྱིས་གཟིར་བྱེད་ཅིང་།། སླར་ལྡོག་བཀྲ་ཤིས་ཉམས་པ་དང་།། བསྒོ་བ་མི་ཉན་དོན་མེད
24b2 ཅིང་།། རང་རྒྱུད་རྩུབ་ཅིང་ཁེངས་པ་དང་།། རིགས་རྒྱུད་མ་སྨིན་ཀུན་གྱིས་བརྙས།། བསམ་དོན་མི་གྲུབ་མངའ་ཐང་ཉམས།། རྒྱུད་དོན་སྦས་པ་མ་ཤེས་སྐྱོན།། ཁྲིམས་ཀྱི་བདག་པོ་ལྟ་བུའི་ལྷ།། གནད་ཀྱིས་བཅིང་ཞིང
24b3 བསྒྲུབ་པར་བྱ།། དབང་ཆེན་ཕ་དང་མཚུངས་པའི་བདུད།། མཚུངས་མེད་གྲོགས་དང་འདྲ་བའི་བཙན།། གནོད་སྦྱིན་ཁྲིམས་ཀྱི་གཙོ་ལྟ་བུ།། སྲིན་པོ་སྲོག་ལ་རྒོལ་བའི་གཤེད།། གཟའ་རྒོད་ལག་ཡན་གཞོན་ལྟ
24b4 བུ།། སྡོང་བུ་དུག་སྦྲུལ་ལྟ་བུའི་ཀླུ།། མོ་རྒྱུད་དབང་ཆེན་རྗེ་དཔོན་མ།། མཚུངས་ལྡན་དེ་ཡི་གཉེན་པོར་བསྒྲུབ།། ཁུགས་སུ་མ་བཅུག་བསྒོ་མི་ཉན།། སེ་ལོང་གནད་མེད་བདུད་དུ་འགྱུར།། བཅུད་ཕུར་མ་ཐེབས་སླར་ལ
24b5 ལྡོག། རང་གི་རབ་རོལ་མ་བཞར་གཡེལ།། ལྟོ་བ་མ་དཀྲུགས་ལས་མི་མྱུར།། ལོག་ནོན་མ་ལྡན་བདག་ཉིད་སྟོབ།། དབང་དུ་མ་འདུས་བསྒོ་མི་ཉན།། གནད་ཀྱི་མན་ངག་བརྒྱད་ཀྱིས་ནི།། མཆོད་བསྟོད་བསྒྲུབ་སྟེ་ཕྲིན
24b6 ལས་བཅོལ།། ཞེས་བཀའ་སྩལ་ཏོ།། འཇིག་རྟེན་གྱི་སྡེ་དཔོན་ཆེན་པོ་རྣམས་ཀྱི་ཟབ་པའི་མཆོད་བསྟོད་གནད་ཀྱི་ལེའུ་སྟེ་དྲུག་པའོ།། །། དེ་ནས་གཞན་ཡང་རབ་བཤད་བྱ།། འཇིག་རྟེན་དྲེགས་པའི་སྡེ་དཔོན
iiif viewer powered by OpenSeadragon
