| e-texts navigator |
| Wylie |
23b1 བར་གཅོད་པའི།། སྟོང་ཕྲག་བརྒྱད་ཅུའི་བགེགས་རིགས་དང་།། བཞི་བརྒྱ་རྩ་བཞིའི་ནད་རྣམས་དང་།། གློ་བུར་གནོད་པ་བརྒྱ་ཅུ་གཅིག། ཡེ་འདྲོག་སུམ་བརྒྱ་དྲུག་ཅུའི་ཚོགས།། དུས་མིན་འཆི་བ་རྣམ་བརྒྱད
23b2 དང་།། གཤིས་ངན་འགུམ་པ་བརྒྱད་ཅུ་གཅིག། གཟུགས་ཅན་དགྲ་དང་གཟུགས་མེད་བགེགས།། རྨི་ལམ་མཚན་ལྟས་ངན་པ་རྣམས།། ཞི་དང་བསལ་ཞིང་བཟློག་པ་དང་། གདུལ་དང་ཚར་གཅད་ལས་མཛོད
23b3 ཅིག། ཞེས་བརྗོད་རང་གི་མཐུན་རྫས་བསྟབས།། བསྐང་བཟློག་གསད་དང་གསོ་ལ་སོགས།། ཇི་ལྟར་འདོད་པའི་ཕྲིན་ལས་བཅོལ།། གང་ལ་དམིགས་པ་དེ་བཞིན་འགྲུབ།། ཅེས་བཀའ་སྩལ་ཏོ།། འཇིག་རྟེན་གྱི
23b4 དྲེགས་པ་ཅན་གྱི་སྡེ་དཔོན་འཁོར་དང་བཅས་པ་རྣམས་མཆོད་བསྟོད་རྒྱ་ཆེན་པོའི་སྒོ་ནས་ཉེ་བར་བསྒྲུབ་པའི་ལེའུ་སྟེ་ལྔ་པའོ།། །། དེ་ནས་རབ་ཏུ་བཤད་པར་བྱ་བ།། དྲེགས་པའི་འཁོར་ཚོགས་འདི་རྣམས
23b5 ཀུན།། ངོ་བོ་རང་རིག་བྱང་ཆུབ་སེམས།། མ་སྐྱེས་དབྱིངས་ལས་གཡོས་པ་མེད།། འཇིག་རྟེན་གནས་དང་མཐུན་འཇུག་ཅིང་།། མཆོད་དང་བསྟོད་པས་མཉེས་འགྱུར་བས།། འཇིག་རྟེན་མཆོད་བསྟོད་ཞེས་སུ
23b6 བརྗོད།། ཕྱི་ནང་གསང་བའི་བྱེ་བྲག་སྟེ།། སྣང་དང་སྲིད་པའི་དཀྱིལ་འཁོར་ཀུན།། གསང་བའི་བདག་པོ་དེ་ཉིད་དང་།། གནས་སྐབས་མཆོད་བསྟོད་ཕྱི་ཡིན་ནོ།། དག་པའི་ཏིང་ངེ་འཛིན་ལས་བྱུང་།། རང་གི་སྣང་བ
iiif viewer powered by OpenSeadragon
