| e-texts navigator |
| Wylie |
232b1 དེ་ན་ནི་ཤིང་ཡོངས་འདུ་ས་བརྟོལ་གནས་ཏེ། ཡོན་ཏན་སྣ་ཚོགས་དང་ལྡན་པའོ།། དེ་ན་མ་སྲིད་པའི་རྒྱལ་མོ་ལ། བཛྲ་ཧེ་རུ་ཀས་བརྒྱན་ལ་གཞལ་ཡས་ཁང་གསེར་གྱི་འཁོར་ལོ་འོད་འབར་བ་ལྟེ་བ་ཁ་དོག་སྣ་ཚོགས
232b2 པ་མཛེས་པའི་བརྒྱན་ལ་མུ་ཁྱུད་དཀར་པོ་དང་གྲུ་ཆད་ལྗང་གུ། བར་ཁྱམས་ནི་ཤར་དཀར་པོ། ལྷོ་བཻ་ཌཱུ་ར་ཡ་སྔོན་པོ། ནུབ་རཱ་ག་དམར་པོ། བྱང་ཨིནྡྲ་ནཱི་ལ་ལྗང་གུ་དེའི་ཕྱི་རིམ་ན་སྒོ་སྣམ་དང་། སྒོ་ཁྱུད་དྲག་པོ་ལྕགས
232b3 ཀྱིས་བྱས་པ། གྲུ་གསུམ་སུམ་བརྩེགས་ནི་ནག་པོ་དམར་པོ་སེར་པོའོ།། ཡོན་ཏན་སྣ་ཚོགས་དང་ལྡན་པ་གསེར་གྱི་འཁོར་ལོས་བྱས་སོ།། དེ་རྒྱ་མ་ཆད་པ་ནམ་མཁའ་དང་མཉམ་པའོ།། ཐོད་པ་སྐམ་རློན་གྱི་རྩིགས་པས
232b4 བརྟན་པར་བྱས་པ། དེ་ཐམས་ཅད་ཁྲག་གི་ཞམ་ཆུ་འབབ་པ། དུར་ཁྲོད་ཀྱི་ཅེ་སྤྱང་མང་པོ་ཁྲག་ལ་སྟོད་ཅིང་འཐུང་བ། ཀེང་རུས་དང་ཤ་ཁྲག་མང་པོ་རི་རབ་ཙམ་སྤུངས་པ། ཞིང་ཆེན་གྱི་རྒྱལ་མཚན་དང་འཕན་གདུག
232b5 དང་བླ་རེས་བྲེས་པ། ཀང་ཀ་ལ་སོགས་ཏེ། དུར་བྱའི་ཚོགས་མང་པོ་ཡང་ལྡིང་བ། གནོད་སྦྱིན་ཕོ་མོ་མང་པོ་འདུ་བ། ཉི་ཟླའི་མཐོངས་ཁུང་དང་། གཟའ་ཆེན་པོས་བརྒྱད་ཀྱི་ཀ་ཞུ་དང་། ཞིང་སྨུག་པོའི་ཀ་བ་དང་།
232b6 དར་ནག་གི་ལྔ་ལྡི་དང་། ཕེལ་ཀ་ཆེ་ཆུང་དང་། མཆོག་ཕྲན་གྱི་གྲལ་ཕྱམ་དང་། རྒྱན་སྣ་ཚོགས་ཀྱིས་བརྒྱན་པའི་གནས་ན་བཅོམ་ལྡན་འདས་བཛྲ་ཧེ་རུ་ཀ་དང་ཡུམ་གྱི་སྲིད་པའི་རྒྱལ་མོ་ལ། གནོད་སྦྱིན་ཕོ་མོ་མང་པོས
iiif viewer powered by OpenSeadragon