| e-texts navigator |
| Wylie |
232a1 སྐུ་ལྟེ་བ་མན་ཆད་བསྒྲུབས་ཏེ། མོའི་བྷ་ག་ལ་སླེབ་པར་བྱས་སོ།། དེར་རི་རབ་ཀྱི་ཟུར་བཞིའི་ལྕོག་ཆེན་པོ་གནས་པ་ལ། ཁང་པ་བརྩེགས་པ་བཞིན་དེད་དཔོན་ཆེན་པོ་བཞི་གནས་སོ།། ལྷའི་དེད་དཔོན
232a2 ནི་འཁོར་ལོ་བཅུ་གཉིས་པ་བ་དན་དཀར་པོ་བསྣམས་པ། ཤེལ་ཁྲབ་དང་། ཤེལ་རྨོག་གསོལ་བ། ཆིབས་སུ་བན་གླང་དཀར་པོ་གསེར་གྱི་སྣ་ཆུ་ལ། དར་གྱི་སྣ་ཐག་ཅན་བཅིབས་པའོ།། ལྷ་བྲན་དང་བཅས་བདུན
232a3 བདུན་གྱི་གཡོག་བྱས་པའོ།། ལྷ་མ་ཡིན་གྱི་དེད་དཔོན་ནི། བསེ་ཁྲབ་དང་བསེ་རྨོག་གསོལ་བ། ལྷ་མ་ཡིན་གྱི་གཡོག་བདུན་གྱིས་བསྐོར་ཏེ་བེར་ནག་ཅན་བདུན་ནོ། བདུད་དང་གནོད་སྦྱིན་གྱི་དེད་དཔོན་ནི་ཟངས་ཀྱི
232a4 འཕར་བ་ལ་ཞོན་པ། སྟོད་ཟངས་ལ་སྨད་ལྕགས་ཀྱི་ཁྲབ་དང་། ལྕགས་རྨོག་གསོལ་བ། འཁོར་མང་པོས་བསྐོར་བ་འཁོར་རྣམས་དམར་ནག་འདུག་པས་བསྐོར་བ། མ་མོའི་དེད་དཔོན་ནི་སྐུ་ལ་གཡུ་ཁྲབ་དང་གཡུ
232a5 རྨོག་གསོལ་བ། དར་ནག་ལྕེ་ལྔ་པའི་བ་དན་བསྣམས་པ། ཟངས་མ་མོ་སྐེ་རིང་ལ་ཞོན་པ་བྱང་ཤར་ལ་གནས་པས་སོ་སོ་ནས་འདུལ་ལོ། ལྷ་མ་ཡིན་ནི་བ་དན་དཀར་པོ་ལྕེ་དམར་བའོ།། བདུད་དང་གནོད་སྦྱིན་ནི
232a6 དར་སྣ་ལྔའི་བ་དན་ནོ།། ལྕོག་གི་རྩེ་ལ་རྒྱལ་མཚན་བཞི་རེ་གནས་ཏེ། སྟག་དང་གཟིག་དང་བྱ་རྒོད་དང་། རྨ་བྱའི་རྒྱལ་མཚན་གནས་སོ།། དེ་ན་དགའ་བའི་ཚལ་ལ་སོགས་པ་བཞི་ནི་འདྲེས་པའི་ཚལ་དུ་འཐབ་པའོ།།
iiif viewer powered by OpenSeadragon