| e-texts navigator |
| Wylie |
231a1 རལ་གཅིག་མའི་རྒྱུད་ལས། རྫོགས་པའི་རིམ་པ་ཕྱི་མ་སྟེ་ལེའུ་བཅུ་བཞི་པའོ།། །། རྫོགས་སོ།།
231a2 རྒྱ་གར་སྐད་དུ། ལོ་ཀ་དུ་ཏ་ཏནྟ་པྲ་བ་སད་ནཱ་མ། བོད་སྐད་དུ། སྲིད་པའི་བེམ་ཞེས་བྱ་བ། རྒྱ་ནག་སྐད་དུ། བདེ་རོད་དར་མུད་ཁ་ཕྱེད། བོད་སྐད་དུ། སྲིད་པའི་སྐོས་ཆེན་པོ་ཞེས་བྱ། ཞང་ཞུང་སྐད་དུ། མུ
231a3 ཡི་སངས་འདུ་བེ་ཏ་ཧ་འཕྱོ་ཡ་སངས། བོད་སྐད་དུ། སྲིད་པའི་ཧས་ཞེས་བྱ། བཅོམ་ལྡན་འདས་ཧེ་རུ་ཀ་ལ་ཕྱག་འཚལ་ལོ། སྔོན་འདི་སྐད་ཐོས་པའི་དུས་གཅིག་ན། རང་སྣང་གི་དངོས་པོ་ནི་རིགས་ལྔ། འབྱུང་བ་ལྔ་ནི
231a4 ཡུམ་ལྔ་རུ་སྣང་བ་ལས། སྲིད་པའི་ཆམ་ལ་དབབ་པའི་སྒོས་བདག། སྲིད་པའི་རྒྱལ་མོ་འཁོར་ལོ་རྟེན་ཅིང་འབྲེལ་བར་འབྱུང་བ་ཐམས་ཅད་སྡུད་པ་ལས། དེའི་ཐུགས་ཀ་ནས་སྐོས་བདག་ཆེན་པོ་བརྒྱད་སྤྲུལ་ནས
231a5 འཇིག་རྟེན་ཆམ་ལ་ཕབ་སྟེ་གནས་པ་ནི།། ནག་པོ་འཛུམ་མེད་དང་། ཟོམ་པོ་ཡོར་པོ་གཉིས་སྲིད་པ་བྱང་དུ་བསྐོས།། སྐོས་རྗེ་དྲང་དཀར་དང་། ཟོད་པའི་ཕྲེང་བ་གཉིས་ཤར་གྱི་སྐོས་བདག་ཏུ་བསྐོས། ཡགྣ་དེ་ཝ་དང་།
231a6 ཡགྣ་ཀྲོ་ཏ་གཉིས་ནུབ་ཀྱི་སྐོས་བདག་ཏུ་བསྐོས། འཁོར་ལོ་བཅུ་གཉིས་པ་དང་། ཡབ་རྗེ་ནག་པོ་གཉིས་བྱང་གི་སྐོས་བདག་ཏུ་བསྐོས། དེ་ཐམས་ཅད་ཀྱང་བཛྲ་ཧེ་རུ་ཀའི་སྐུ་ལ་འཁྲིལ་བའོ།། བདུད་དེ་རྣམས་ཀྱིས
iiif viewer powered by OpenSeadragon
