| e-texts navigator |
| Wylie |
230b1 མེད་པའི་ཕྱག་རྒྱ་ཡིན།། དེ་ལྟར་བསམ་པ་དེ་ཉིད་ནི།། སྤྲོས་དང་བྲལ་བས་དེ་ཉིད་ཡིན།། སྤྲོས་དང་བྲལ་བ་དེ་ལ་ནི།། གནས་པ་ནམ་མཁའི་མཚན་ཉིད་དེ།། དེ་བས་འོད་གསལ་ཞེས་བརྗོད་དེ།། འགྲོ་བ་ཀུན་གྱི
230b2 རང་བཞིན་གནས།། ཕྱིན་ཅི་ལོག་ཏུ་རྣམ་བརྟག་ཀྱང་།། འགྲོ་བའི་རང་བཞིན་དེ་ལས་ཡིན།། དེ་ཡི་ཕྱིར་ན་རྒྱལ་བ་དང་།། འཁྲུལ་པ་མཉམ་པར་དེ་ཉིད་གཅིག། དེ་ལ་གང་ཞིག་མཁས་ལྡན་པའི།། སོ་སོ་རང་རིག
230b3 ཏིང་འཛིན་གྱིས།། ནམ་མཁའི་དཀྱིལ་ལྟར་ཆོས་མཐོང་སྟེ།། གཉིས་སུ་མེད་པ་དེ་ཁོ་ན།། རྫོགས་པའི་རྫོགས་པ་མཁས་པའི་རྒྱ།། རྫོགས་པ་ཆེན་པོ་དཔལ་དང་ལྡན།། སྙིང་གི་ནམ་མཁའ་རང་ལ་ཡོད།། དེ་ནས
230b4 ཕྱག་ན་རྡོ་རྗེས་གསོལ་པ།། བཅོམ་ལྡན་འདས་ཆོས་ཟབ་མོ་ཡང་དག་པའི་དོན།། ཐུན་མོང་མ་ཡིན་པ་བདག་ལ་བསྟན་པ་ངོ་མཚར་ཏོ།། བདག་གིས་ཀྱང་མ་འོངས་པ་ན།། ཐུན་མོངས་མ་ཡིན་པ་རྣམས་ལ་བསྟན
230b5 པར་བགྱིའོ།། བཅོམ་ལྡན་འདས་ཀྱིས་གསུངས་པ།། གསང་བའི་བདག་པོ། ཆོས་ཆེན་པོ་འདི་འཛམ་བུ་གླིང་དུ་སྐྱེས་པ།། མཁའ་འགྲོ་མའི་ཕྱག་རྒྱ་ཡོད་པ།། ཚེ་ལ་དབང་བའི་རིག་འཛིན་ཐོབ་སྟེ།། བྲམ་ཟེ
230b6 མཆོག་སྲེད་ཅེས་བྱ་མ། ལྷུན་གྱིས་གྲུབ་པའི་ས་ལ་འགྲོ་བ། དེའི་ལག་ཏུ་འབྱུང་བར་འགྱུར་ཏེ། ཁྱོད་ཀྱིས་ཟུང་ལ་ཆོངས་ཤིག། སྣོད་མ་དག་པ་རྣམས་ཀྱི་རྒྱུད་བྱང་བར་གྱིས་ཤིག། རྣལ་འབྱོར་དབང་ཕྱུག་ཆེན་མོ
iiif viewer powered by OpenSeadragon
