| e-texts navigator |
| Wylie |
230a1 བར།། མི་འགྱུར་གནས་པས་འགྱུར་བ་མེད།། དེ་ལ་ཆོས་ཅན་རྣམ་རྟོག་གིས།། བསླད་ནི་ཉེས་པ་མེད་པ་ནི།། དེ་ཉིད་ཉེས་པ་མེད་པ་ཡིན།། ཆོས་ཅན་འབྱུང་བའི་གནས་ཡིན་པས།། དྷརྨོ་ད་ཡ
230a2 དབྱིངས་ཀྱི་དོན།། དེ་ཉིད་ངོ་བོ་ནམ་མཁའ་ཡིན།། བརྗོད་པ་རྣམས་ལ་གནས་པ་ཡིན།། བརྗོད་མེད་ཁྱབ་བྱེད་ཨ་ནི་གཟུགས་དང་མདོག། ཡི་གེ་རྣམས་དང་བྲལ་བ་ནི།། དོན་ནི་སྐྱེ་མེད་སྟོང་པ་ཡིན།། དེ་ནི་ཡེ་ནས
230a3 གནས་པ་ཡི།། དོན་དེ་ཤེས་པས་ཡེ་ཤེས་ཡིན།། དེ་ཕྱིར་དེ་ཤེས་ཤེས་པ་ལ།། ཡང་དག་པ་ཞེས་བཏགས་པ་ཡིན།། ཡང་དག་དེ་ཡི་ངོ་བོ་ནི།། ཀུན་ཏུ་ཞི་བར་གྱུར་པ་ཡིན།། དོན་དེ་བརྟག་པར་དཀའ་ཕྱིར་དང་།། ཕྲ
230a4 མོ་གྱུར་པས་ཕྲ་བ་ཡིན།། དེ་ཕྱིར་དེ་ལ་ཟབ་ཅེས་བྱ།། སེམས་ཀྱི་སྤྱོད་ཡུལ་ཡིན་ཕྱིར་རོ།། སེམས་ལ་གཅིག་དང་དུ་མ་མེད།། དེ་ཡི་ཕྱིར་ན་གྲངས་ལས་འདས།། གཅིག་དང་དུ་མ་སྤངས་པ་ཡིས།། གཅིག་དང་དུ་མ
230a5 རྣམས་སྤངས་པ།། སྟོང་པ་ཉིད་ཅེས་དེ་ལ་བྱ།། དེ་ལ་དངོས་པོའི་ཆོས་མེད་པ།། དེ་ཕྱིར་མཚན་མ་མེད་པ་ཡིན།། མཚན་མ་མེད་པ་དེ་ཉིད་ལ།། སྨོན་པ་མི་དགོས་རང་ལ་ཡོད།། དེ་ཕྱིར་སྨོན་པ་མེད་པ་ཡིན།། དེ་ནི
230a6 གྲུ་གསུམ་རང་བཞིན་ཏེ།། རྣམ་པར་ཐར་པ་གསུམ་པ་ཡིན།། ཆོས་དེ་མཚོན་པའི་རྟགས་ལ་ནི།། དེ་ཕྱིར་ཆོས་རྟགས་ཕྱག་རྒྱ་ཡིན།། དུས་གསུམ་དྷརྨ་དེ་དབུས་ལ།། འདིར་བསམ་པས་ན་བསམ་པ་ཆེ།། བསམ་པ
iiif viewer powered by OpenSeadragon
