| e-texts navigator |
| Wylie |
229b1 ལྡན་འདས་འོད་གསལ་ཉིད་ཇི་ལྟར་ལགས།། སྙིང་རྗེ་ཞེས་བྱ་བ་ཇི་ལྟར་ལགས།། དེ་ཡི་དཀྱིལ་འཁོར་ཇི་ལྟར་ལགས།། མི་འགྱུར་བ་ཉིད་ཇི་ལྟར་ལགས།། ཉེས་པ་མེད་པ་ཅི་ཡི་ཕྱིར།། དྷར་མོ་ད་མ་ཇི་ལྟར
229b2 ལགས།། ནམ་མཁའ་ཞེས་བགྱི་ཇི་ལྟར་ལགས།། ཁྱབ་མེད་ཨ་ཡང་ཇི་ལྟར་ལགས།། ཡི་གེ་མེད་པ་ཅི་ཡི་དོན།། ཡེ་ཤེས་བགྱི་བ་ཅི་ཡི་དོན་ལགས།། ཡང་དག་ཉིད་ཀྱང་ཇི་ལྟར་ལགས།། ཞི་བར་མ་གྱུར་ཇི་ལྟར།
229b3 ལགས།། ཕྲ་མོ་ཡང་ནི་ཇི་ལྟར་ལགས།། ཇི་ལྟར་ཟབ་མོར་གསུངས་པ་ལགས།། གཅིག་དང་དུ་མ་ཇི་ལྟར་ལགས།། སྟོང་པ་ཉིད་ནི་ཇི་ལྟར་ལགས།། མཚན་མ་མེད་པ་ཇི་ལྟར་ལགས།། སྨོན་པ་མེད་པ་ཇི་ལྟར
229b4 ལགས།། ཆོས་རྟག་བགྱི་བ་ཇི་ལྟར་ལགས།། འདིར་བསམ་འདི་ཉིད་གང་གི་ལགས།། འདི་ཡིན་གསུང་པ་ཇི་ལྟར་ལགས།། འདི་ན་གནས་པ་གང་དང་གང་།། འོད་གསལ་བ་ནི་ཇི་ལྟར་ལགས།། དེ་ཉིད་གསུངས་པ
229b5 ཇི་ལྟར་ལགས།། དེ་ཁོ་ན་ཡང་ཇི་ལྟར་ལགས།། དེ་ནས་བཅོམ་ལྡན་འདས་དཔལ་རྡོ་རྗེ་ཧེ་རུ་ཀས་གསང་བའི་བདག་པོ་ལ་འདི་སྐད་ཅེས་གསུངས་སོ།། རྩོལ་བ་མེད་པའི་ཡི་གེ་ནི།། རང་ལ་སྣང་བས་འོད་གསལ
229b6 ཡིན།། ཆོས་རྣམས་བརྟེན་པའི་དྲན་པ་ནི།། སྙིང་རྗེ་ཞེས་བྱ་ཡིན་པར་བཤད།། དེ་ཡི་དབུས་ན་རང་བཞིན་སྟོང་པ་ནི།། འགྲོ་བ་རྣམས་ཀྱིས་མི་ཤེས་པ།། ཅི་ཡང་མེད་པའི་དཀྱིལ་འཁོར་ཡིན།། དེ་ནི་ཐོག་མ་ཐ་མའི
iiif viewer powered by OpenSeadragon
