| e-texts navigator |
| Wylie |
229a1 ནས་ཕྱག་ན་རྡོ་རྗེས་གསོལ་པ།། བཅོམ་ལྡན་འདས་དབང་པོ་རྣོན་པོ་རྣམས་ཀྱི་དོན་དུ་རྫོགས་པའི་རིམ་པ་བསྟན་དུ་གསོལ།། བཅོམ་ལྡན་འདས་ཀྱི་གསུངས་པ། གསང་བའི་བདག་པོ་འདི་ལྟ་སྟེ།། གང
229a2 ཞིག་ཆོས་ནི་གང་ནས་བཙལ།། དེ་ལ་བཙལ་བ་རྡུལ་ཙམ་མེད།། ཅི་ཕྱིར་འཁྲུལ་པས་གཉིས་སུ་སྣང་།། དོན་དམ་ཅན་ལ་སྣང་བ་མེད།། གང་དུ་རྫོགས་པ་བསྐྱེད་པ་དང་།། བསྐྱེད་པ་ལ་སོགས་བསྟན་པ་ནི།། དབང་པོ
229a3 རྟུལ་བ་གདུལ་ཕྱིར་དུ།། དྲང་བའི་དོན་གྱི་ཞི་གནས་ཡིན།། འོད་གསལ་སྙིང་གའི་དཀྱིལ་འཁོར་ནི།། འགྱུར་བ་མེད་ཅིང་ཉེས་པ་སྤངས།། དྷར་མོ་ད་ལ་ཞེས་གྲགས་པ།། ནམ་མཁའི་དེ་ཉིད་རང་ལ་ཡོད།། འདི་ལྟར
229a4 ཁྱབ་བྱེད་ཨཿཞེས་བྱ།། ཡི་གེ་ཁ་དོག་གཟུགས་ཅན་མིན།། ཡེ་ཤེས་ཡང་དག་བཞི་ལ་ཕྲ།། ཟབ་མོ་གཅིག་མིན་དུ་མ་མིན།། སྟོང་ཉིད་མཚན་མེད་སྨོན་པ་མིན།། ཆོས་རྣམས་ཙམ་དུ་སྣང་བ་ཡིན།། འདིར་བསམ་འདི
229a5 འདི་ལ་གནས།། འོད་གསལ་འདིར་དེ་ཉིད་ཁོ་ནའོ།། རྣལ་འབྱོར་དབང་ཕྱུག་ཆེན་མོ་རལ་གཅིག་མའི་རྒྱུད་ལས། རྫོགས་པའི་རིམ་པའི་རྣལ་འབྱོར་དབང་ཕྱུག་ཆེན་མོའི་རྗེས་སུ་རྣལ་འབྱོར་གྱི་སྤྱོད་ཡུལ་དུ་མ
229a6 གྱུར་པ། རྫོགས་པ་ཆེན་པོའི་རྣལ་འབྱོར་གྱི་ཚད་བསྟན་པ་སྟེ་ལེའུ་བཅུ་གསུམ་པའོ།། ། ཨེ་ཀ་ཙ་ཏི་རལ་གཅིག་མའི་རྒྱུད་ལས་རྩ་བའི་རྒྱུད་ཆེན་མོ་རྫོགས་སོ།། དེ་ནས་ཕྱག་ན་རྡོ་རྗེས་གསོལ་པ།། བཅོམ
iiif viewer powered by OpenSeadragon
