| e-texts navigator |
| Wylie |
227b1 ཡང་སེར་མོ་ཆེན་མོ་མཁའ་ལ་བཞད་པ། རྒྱས་པའི་རྒྱན་གྱིས་བརྒྱན་པར་བསྒོམ་ན།། ལས་ཐམས་ཅད་རྒྱས་པར་འགྱུར་ཞིང་། རྒྱས་པའི་ཕྲིན་ལས་ཐམས་ཅད་འགྲུབ་པར་འགྱུར་རོ།། དབང་གི་ལས་ཐམས་ཅད་འགྲུབ
227b2 པར་འདོད་ན། མཎྜལ་ཟླ་གམ་དམར་པོར་བྱ་སྟེ། མེ་ཏོག་དམར་པོ་ལ་སོགས་པས་མཆོད་ཅིང་། ལྷ་ཡང་དམར་པོ་ཆེན་མོ་དབང་ཆེན་གཏུམ་པ་མོ། དབང་གི་རྒྱན་གྱིས་བརྒྱན་པར་བསྒོམ་ན། ལས་ཐམས་ཅད་དཔང
227b3 དུ་འགྱུར་ཞིང་། དབང་གི་ལས་ཕྲ་མོ་འགྲུབ་པར་འགྱུར་རོ།། དྲག་པོའི་ལས་ཕྲ་མོ་འགྲུབ་པར་འདོད་ན། མཎྜལ་ནག་པོ་ཟུར་གསུམ་པའི་འོག་ཏུ་ཐོད་པ་གསུམ་དང་ལྡན་པར་འགྱུར་ཏེ། མེ་ཏོག་ནག་པོ་ལ་སོགས་པས
227b4 མཆོད་ཅིང་། ལྷ་ཡང་ནག་མོ་ཆེན་མོ་རལ་གཅིག་མ་དྲག་པོའི་རྒྱན་གྱིས་བརྒྱན་པར་བསྒོམ་ན། ལས་ཐམས་ཅད་དྲག་པོར་འགྱུར་ཞིང་། དྲག་པོའི་ལས་ཕྲ་མོ་འགྲུབ་པར་འགྱུར་རོ།། དེ་དག་གི་སྔགས་ཀྱི་ཤམ་བུ་ནི།
227b5 ཤཱནྟིཾ་ཀུ་རུ། པུཥྚི་ཀུ་རུ། པ་ཤཾ་ཀུ་རུ། མཱ་ར་ཡ། ཞེས་བརྗོད་པས་གཞན་གྱི་ཐུན་མོང་གི་ལས་སུ་བྱའོ།། གཞན་ཡང་དགུག་པར་འདོད་པས། ཆེ་གེ་མོ་ཨཱ་ཀཪྴ་ཡ་ཧཱུཾ། ཞེས་པར་དུ་བཅུག་སྟེ། དབང་དུ་འགྱུར་བའི་ཡན
227b6 ལག་གོ། བསྐྲད་པར་འདོད་ན་རླུང་གི་རྔ་མོ་དུད་ཁའི་སྟེང་དུ་བསྒྲུབ་བྱ་བསྐྱོན་ནས། ཆེ་གེ་མོ་ཛ་ཛ་ཞེས་བརྗོད་པར་བྱའོ།། གནན་པ་བྱ་བར་འདོད་ན། རྡོ་ལེབ་ལ་རི་རབ་ཀྱི་གཟུགས་བྲིས་ཏེ། འོག་ཏུ་བསྒྲུབ་བྱའི་མིང
iiif viewer powered by OpenSeadragon
