| e-texts navigator |
| Wylie |
226a1 དག་འགུགས།། དེ་ནས་ཛཿཡིས་བསྒྲུབ་བྱ་དགུག། བཅོ་ལྔ་སྔགས་ཀྱི་ཕྲེང་བ་ནི།། རྒྱལ་བ་རྣམས་ཀྱིས་བྱིན་གྱིས་བརླབས། འདིས་ནི་ཞི་གནས་ཐོབ་པར་བྱེད།། དེ་བཞིན་ལྷག་མཐོང་སྐྱེ་བར
226a2 ནུས།། འདིས་ནི་བསོད་ནམས་འཕེལ་བར་བྱེད།། དེ་ལ་ཡེ་ཤེས་རྣམས་ཀྱང་ཚང་།། འདི་ནི་དེ་བཞིན་རྒྱུ་ཞེས་བྱ།། གང་ཞིག་འདི་ལ་འབྲས་བུ་འདོད།། དེ་ཕྱིར་དེ་ནི་འབྲས་བུའོ།། མེ་ལ་བརྟེན་ན་ལས་ཀྱང
226a3 འགྲུབ།། ཕྱག་ན་རྡོ་རྗེས་གསོལ་པ།། བཅོམ་ལྡན་འདས་གསང་སྔགས་འདི་བཟླས་པའི་ཐབས་ཀྱི་སེམས་དཔའ་གང་ལགས། བཅོམ་ལྡན་འདས་ཀྱིས་གསུངས་པ། བདག་ཉིད་དམ་ཚིག་རྫོགས་པའི་སྐུ།། ཐབས་དང
226a4 ཤེས་རབ་ལྡན་བྱས་ལ།། དབུ་ཡི་གྲངས་ནི་བཅུ་བདུན་ནས།། ཡང་ན་དབུ་གསུམ་ཕྱག་དྲུག་གམ།། ཞལ་གཅིག་ཕྱག་གཉིས་རབ་ཏུ་ཤིས།། རང་བཞིན་གནས་ནས་དགུག་དང་གཞུག། གཉིས་མེད་འདྲ་ཡང་སྤངས
226a5 ནས་ཀྱང་།། ཟླ་དཀྱིལ་སྟེང་ན་ཀོ་རཱི་མ།། ཉི་མའི་སྟེང་ན་རལ་གྲི་འབར།། མཐའ་མ་སྔགས་ཀྱིས་བསྐོར་བའོ།། བཞི་འབུམ་བཏོན་ན་ལས་རྣམས་བྱེད།། ཁྲི་ཕྲག་ལས་ནི་དངོས་གྲུབ་འབྱུང་།། བྱེ་བ་དག་གིས་ཚད་དང
226a6 ལྡན།། མན་ངག་ཅན་གྱི་ས་ཡང་སྟོན།། མངོན་ཀྱང་སྔོན་དུ་སྟོན་དང་ལུས་སྟོན་འགྱུར།། གང་ཞིག་དུང་ཕྱུར་རྫོགས་པ་ནི།། ཕྲིན་ལས་རྣམ་བཞི་ལྷུན་གྲུབ་སྟེ།། ཟབ་མོ་སྦྱོར་བ་རྫོགས་ནས་ཀྱང་།། རིན་ཆེན་ཞིང་དེར།
iiif viewer powered by OpenSeadragon
