| e-texts navigator |
| Wylie |
225a1 འབུལ་བ་དང་། ཁྲག་ཆེན་པོའི་ཨརྒྷ་འབུལ་བ་དང་། བདུད་རྩིའི་དྲི་ཆབ་འབུལ་བ་དང་། ཤ་ཆེན་པོའི་བདུག་པ་འབུལ་བ་དང་། དབང་པོ་རྣམས་ཀྱི་མེ་ཏོག་འབུལ་བ་དང་། ཞི་བ་ལ་ཞི་བའི་སྤྱོད་ལམ
225a2 ཤེས་པ་དང་། རྒྱས་པ་ལ་རྒྱས་པའི་སྤྱོད་ལམ་ཤེས་པ་དང་། དབང་ལ་དབང་གི་སྤྱོད་ལམ་ཤེས་པ་དང་། འདུག་པའི་སྤྱོད་ལམ་ཤེས་པ་དང་། ཉལ་བའི་སྤྱོད་ལམ་ཤེས་པ་དང་། འགྲོ་བའི་སྤྱོད་ལམ་ཤེས་པ་དང་།
225a3 ངལ་གསོ་བའི་སྤྱོད་ལམ་ཤེས་པ་དང་། གཤང་གཅི་བའི་སྤྱོད་ལམ་ཤེས་པ་དང་། བཏང་བའི་སྤྱོད་ལམ་ལ་སོགས་པ་ནི། ཁྱད་པར་གྱི་སྤྱོད་ལམ་དེ་ཐམས་ཅད་ལྷའི་རང་བཞིན་དུ་གྱུར་པ་དང་། སེམས་དཔའ་གསུམ
225a4 གྱི་ཚུལ་གྱིས་བསྒྲུབ་པར་བྱའོ།། རྣལ་འབྱོར་མ་དབང་ཕྱུག་ཆེན་མོ་རལ་གཅིག་པའི་རྒྱུད་ལས། སྤྱོད་ལམ་བསྟན་པའི་ལེའུ་སྟེ་བརྒྱད་པའོ།། །། བཅོམ་ལྡན་འདས་དངོས་གྲུབ་ཐམས་ཅད་འབྱུང་བ་མང་པོ་དང་ལྡན
225a5 པའི་དེ་བཞིན་གཤེགས་པས་བྱིན་གྱིས་བརླབས་པས། སྔགས་འཆང་དང་རིག་འཛིན་རྣམས་ཀྱི་སྐྱབས་དང་རྟེན་དུ་གྱུར་ལ། བྱང་ཆུབ་སེམས་དཔའ་འདས་པའི་ལམ་དུ་བསྒྲུབ། བདུད་དང་སྲིན་པོ་ལ་སོགས་པ་སྲེག
225a6 པར་བྱེད་པ། རང་གིས་སེམས་ཞི་བར་ནུས་པ་དང་ལྡན་པར་འགྱུར་ལ། མཐུ་ཐམས་ཅད་འབྱུང་བའི་གསང་སྔགས་ཀྱི་ཚིག་རྣམས་བསྟན་དུ་གསོལ། བཅོམ་ལྡན་འདས་ཀྱིས་གསུངས་པ། གསང་བའི་བདག་པོ་འདི་ནི
iiif viewer powered by OpenSeadragon
