| e-texts navigator |
| Wylie |
224b1 རྣལ་འབྱོར་གྱི་སྤྱོད་པ་ནི། ཇི་ལྟར་སྤྲད་པར་བགྱི། བཅོམ་ལྡན་འདས་ཀྱིས་གསུངས་པ། གསང་བའི་བདག་པོ་སྤྱོད་པ་ནི་འདི་ལྟ་སྟེ། དམ་ཆོས་ལྔ་ལ་རྫས་ལྔ་ཡིན་ནམ་ཐོགས་པ་མེད་པར་སྤྱོད་པ་དང་། འཇིགས་པ་མེད་པ
224b2 དང་། དགའ་བ་དང་། རྒོད་པ་དང་། རྒོད་པ་ཆེན་པོ་དང་། ཤ་ལྔ་ལ་ལོངས་སྤྱོད་པ་དང་། ཕྱག་ལ་མཁས་པ་དང་། འཇིགས་པའི་སྟབས་ཀྱིས་སྟབས་ལ་མཁས་པ་དང་། དཀྱིལ་འཁོར་གྱི་ལས་ལ་མཁས་པ
224b3 དང་། ཐབས་དང་ཤེས་རབ་ཀྱི་སྤྱོད་པ་ལ་མཁས་པ་དང་། བྲོ་གར་ལ་མཁས་པ་དང་། འདུ་འཕྲོ་ལ་མཁས་པ་དང་། གླུ་ལ་མཁས་པ་དང་། གར་ལ་མཁས་པ་དང་། མཆོད་པ་ལ་གོམས་པ་ནི་ཐུན་མོང་གི་སྤྱོད་ལམ་མོ།།
224b4 ཁྱད་པར་གྱི་སྤྱོད་ལམ་ནི། དུར་ཁྲོད་ན་འདུག་པ་དང་། ཤ་ཆེན་ཟ་བ་དང་། བོང་བུ་ལ་ཕྱིན་ཕྱོགས་ཞོན་ནུས་པ་དང་། རེ་བ་གྱོན་པ་དང་། གཅེར་བུར་བྱུང་བ་དང་། ས་མ་ཡ་ཡི་སྒྲ་ལ་མཁས་པ་དང་། མི་དབང་མེ་མར
224b5 དུ་བལྟམ་ཏེ་འགྲོ་བ་དང་། འདུག་པ་དང་། བསྐོར་བ་དང་ཞིང་གི་པགས་པ་གྱོན་པ་དང་། རྨ་བྱའི་རྒྱལ་མཚན་དང་ལྡན་པ་དང་། དུང་ཆེན་འབུད་པ་དང་། རུས་པའི་ཕྲེང་བ་འདྲེན་པ་དང་། དཔལ་རལ་པ་གཅིག་མ
224b6 དང་། འཕགས་མ་བོང་ཞོན་མ་གཉིས་སུ་མེད་པས་མཆོད་པ་ལ་བརྩོན་པ་དང་། ཁྲོ་བོའི་ཏིང་ངེ་འཛིན་ལ་མཁས་པའི་འཁོར་འདུལ་ལ་མཁས་པ་དང་། ཚིལ་ཆེན་གྱི་མེ་དམར་འབུལ་བ་དང་། ཤ་ཆེན་གྱི་ལྷ་བཤོས
iiif viewer powered by OpenSeadragon
