| e-texts navigator |
| Wylie |
224a1 མི་དགའ་བས་ཐུན་མོང་གི་དངོས་གྲུབ་མྱུར་དུ་མི་འོང་བར་བལྟ་བ་དང་། ཆོད་འདི་ལྟ་བུ་སྣོད་རིགས་ཀྱི་མཆོག། བྲམ་ཟེའི་རིགས་ཡིན་པར་མི་བལྟ་བ་དང་། གསང་བའི་བདག་པོ་ནི་སངས་རྒྱས་ཐམས
224a2 ཅད་ཀྱི་མཐུ་ཕུན་སུམ་ཚོགས་པར་བལྟ་བ་དང་། མཐུས་ནི་ཉོན་མོངས་པ་གསོད་པར་བལྟ་བ་དང་། ཉོན་མོངས་པ་ཆུང་ན་ནི་ཐུན་མོང་གི་མཐུས་ནམ་མཁའ་ལ་འགྲོ་བ་དང་། ཆུ་ལ་མི་བྱིང་བ་དང་། གཞན་གྱི་སེམས
224a3 ཤེས་པ་དང་། རྒན་པོ་ལས་གཞོན་པ་ནུས་པ་དང་། གཞོན་པ་ཉིད་མི་འགྱུར་བ་དང་། ཚེ་རིང་བ་དང་། མི་ལ་སོགས་པའི་སེམས་ཅན་གསོད་པར་འགྱུར་བ་དང་། མི་ལ་སོགས་པའི་སེམས་ཅན་སོས་པར་འགྱུར་བ
224a4 དང་། ཆར་པ་དབབ་པར་ནུས་པ་དང་། ཆར་ལ་སོགས་པ་གཙང་བར་ནུས་པ་དང་། གཞན་ཡང་སྐྲ་དཀར་མེད་པ་དང་། གཉེར་མ་ཡང་ནུབ་སྟེ་སྣུམ་པ་དང་། ཤེས་པ་རྣོ་བ་དང་། གཞན་གྱིས་དབང་བྱས་པའི་རྫས
224a5 མཐོང་བ་དང་། སེམས་ཅན་མཐུ་བོ་ཆེ་རྣམས་དང་འདྲི་ལ་ཡང་མཉམ་པ་ལས་ལྷག་པའི་ཚུལ་སྟོན་པར་ནུས་པ་ལ་སོགས་པ་ཡང་གང་ཟག་ཅིག་ཉོན་མོངས་པ་ཆུང་བའི་མཐུའི་ཤུགས་ཀྱིས་སོང་བར་གྱུར་ཏེ། འདི་ལྟར
224a6 བལྟ་བར་བྱའོ།། རྣལ་འབྱོར་ཆེན་མོ་རལ་པ་གཅིག་མའི་རྒྱུད་ལས། ཐུན་མོང་དང་ཁྱད་པར་གྱི་ལྟ་བ་བསྟན་པ་སྟེ་ལེའུ་བདུན་པའོ།། །། དེ་ནས་ཕྱག་ན་རྡོ་རྗེས་གསོལ་པ། བཅོམ་ལྡན་འདས་ཐེག་པ་འདིའི
iiif viewer powered by OpenSeadragon
