| e-texts navigator |
| Wylie |
223a1 གྱིས།། ཆོས་ཀྱི་རྒྱལ་པོར་བདག་འགྱུར་ནས།། འཇིག་རྟེན་འགྲོ་བ་འདུལ་བའི་ཞིང་།། རྣལ་འབྱོར་དབང་ཕྱུག་ཆེན་པོ་རལ་པ་གཅིག་པའི་རྒྱུད་ལས།། བསོད་ནམས་དང་ཡེ་ཤེས་ཀྱི་བསྒྲུབ་པ། རྒྱུ་དང
223a2 འབྲས་བུ་བསྟན་པའི་ལེའུ་སྟེ་དྲུག་པའོ།། །། ཕྱག་ན་རྡོ་རྗེས་གསོལ་པ། བཅོམ་ལྡན་འདས་རྒྱུད་འདིའི་ཐེག་པ་ལ་བརྟེན་ནས། ལྟ་བ་ནི་གང་ལགས། བཅོམ་ལྡན་འདས་ཀྱིས་གསུངས་པ། གསང་བའི་བདག་པོ
223a3 འདི་ལྟ་སྟེ།། ཕྱི་རོལ་གྱི་ཡུལ་ནི་འབྱུང་བ་དང་།། འབྱུང་ལས་གྱུར་པར་མི་བལྟ་བ་དང་། དབྱིངས་རྣམ་པར་དག་པར་བལྟ་བ་དང་། རང་བཞིན་སྐྱེ་བ་མེད་པ་ལ་བརྟེན་ནས་སྒྱུ་མ་ཙམ་དུ་ཡང་སྐྱེ་བ་མེད་པར་མི་བལྟ་བ
223a4 དང་། ཚིག་ཙམ་དུ་ཡོད་ཀྱང་རྟག་པ་མ་ཡིན་པར་ཤེས་པ་དང་། བདག་ཉིད་ཀྱི་ཕུང་པོ་མི་གཙང་བ་དང་། དམན་པར་མི་བལྟ་བ་དང་། བུད་མེད་ཤེས་རབ་ཀྱི་རང་བཞིན་དུ་བལྟ་བ་དང་། སེམས་ཅན་རྣམས
223a5 སེམས་ཅན་དུ་མི་བལྟ་བ་དང་། སེམས་ཅན་རྣམས་མ་འོངས་པའི་སངས་རྒྱས་སུ་བལྟ་བ་དང་། ཐེག་པ་འོག་མ་དང་། དམན་པ་རྣམས་ལ་མི་གཤེ་བ་དང་། ཐེག་པ་འོག་མ་དང་། དམན་པ་རྣམས་ལ་སྙིང་རྗེ་བར་བལྟ
223a6 བ་དང་། སངས་རྒྱས་རྣམས་གཟུགས་ཅན་དུ་མི་བལྟ་བ་དང་། སྒྱུ་མ་ཙམ་དུ་རང་གི་སེམས་རྟགས་ཀྱི་ཕྱག་རྒྱར་བལྟ་བ་དང་། གཉིས་སུ་བརྟགས་པ་རྣམས་སེམས་ཅན་མ་ཟད་ཀྱི་བར་དུ། སྒྱུ་མ་ཙམ་དུ་ཡོད་པར་བལྟ།
iiif viewer powered by OpenSeadragon
