| e-texts navigator |
| Wylie |
222a1 ཆུབ་ཡི་གེ་ཡིན།། དབང་པོ་རྣོན་པོ་གདུག་པ་ཡི།། ཐུགས་ཀྱི་ཡང་དག་དེ་སྦྱོར་བས།། སོ་སོའི་ཕྱག་མཚན་དེ་ལས་འབྱུང་།། ལུས་ངག་ཡིད་གསུམ་གདུལ་ཕྱིར་ན།། སྐུ་གསུང་ཐུགས་སུ་རྫོགས་པའི་ཕྱག
222a2 རྒྱ་ནི།། ཞི་གནས་སྒྲུབ་ཕྱིར་པ་བསྟན་པ་ཡིན།། དེ་ནས་ཕྱག་ན་རྡོ་རྗེས་གསོལ་པ།། བཅོམ་ལྡན་འདས་སེམས་དཔའ་གསུམ་གྱི་ཚུལ་དུ་བསྒྲུབ་པ་ནི་གང་ལགས། བཅོམ་ལྡན་འདས་ཀྱིས་གསུངས་པ། མངོན་པར་བྱང
222a3 ཆུབ་རྣམ་ལྔ་ཡིས།། གང་གིས་སྐུ་གཅིག་རྫོགས་པ་ནི།། དམ་ཚིག་ཉིད་ལ་སེམས་དཔའ་ཡིན།། དེ་གྲུབ་གནས་ནས་དེ་འདྲ་བ།། སྤྱན་དྲངས་ཐུགས་ཀར་ཞུགས་པ་ནི།། ཡེ་ཤེས་དེ་ལ་སེམས་དཔའ་ཡིན།། དེ་ཡི་ཐུགས
222a4 ཀར་ཏིང་འཛིན་ནི།། སྐུ་གསུང་ཐུགས་ཀྱི་གདན་སྟེང་དུ།། སྐུ་གསུང་ཐུགས་ཀྱི་རྒྱལ་བ་ནི།། གསུང་གི་འཁོར་ལོ་ཏིང་འཛིན་སེམས།། རྣལ་འབྱོར་དབང་ཕྱུག་ཆེན་མོ་རལ་གཅིག་མའི་རྒྱུད་ལས། བརྟག་པའི་བསྐྱེད
222a5 རིམ་བསྟན་པའི་ལེའུ་སྟེ་ལྔ་པའོ།། །། དེ་ནས་ཕྱག་ན་རྡོ་རྗེས་གསོལ་པ། བཅོམ་ལྡན་འདས་བསོད་ནམས་མེད་པས། དེ་ལྟ་བུའི་དཀྱིལ་འཁོར་མཐོང་བར་དཀའ་བ་ལགས་ན། དེ་དག་གི་དོན་དུ་བསོད་ནམས
222a6 ཀྱི་ཚོགས་བསག་པ་བསྟན་དུ་གསོལ། བཅོམ་ལྡན་འདས་ཀྱིས་གསུངས་པ། གསང་བའི་བདག་པོ་འདི་ལྟ་སྟེ།། ཏིང་ངེ་འཛིན་གྱི་འོད་ཟེར་ལས།། འཕྲོས་ནས་དག་པ་གཉིས་བྱས་བཀུག། བསོད་ནམས་ཀུན་གྱི་སྣ་ལ
iiif viewer powered by OpenSeadragon
