| e-texts navigator |
| Wylie |
221a1 སྐེམས།། སྤྱན་ནི་སྐར་ཆེན་ཤར་བ་འདྲ།། སྤྱན་རྩ་དམར་ལ་སྡང་མིག་ཅན། ཕྱག་གཡས་ཚུབ་མ་བསྣམས་པ་ནི། རླུང་དམར་ནང་ནས་རལ་གྲི་འབྱིན།། མྱུར་མགྱོགས་རྫུ་འཕྲུལ་འགྲོ་བའི
221a2 རྟགས།། གཡོན་པའི་ནེའུ་ལེ་བསྣམས་པ་ནི། མི་མགོ་བཅད་ནས་སྦེད་པའི་སྣོད།། ཡན་ལག་བཞི་ནི་བསྐུམ་པའི་ཚུལ།། མ་གཅིག་ཐུགས་དམ་ཞལ་ཟས་སྣོད།། མ་ལ་བྷནྡ་བཅུད་ཡངས་པའི།། འཁོར་ཡུག་བཅས
221a3 པའི་འཇིག་རྟེན་ནི།། གསོལ་ལོ་རོལ་ཅིག་དགྱེས་པར་མཛོད།། མ་གཅིག་ཐུགས་དམ་ཞལ་ཟས་འདི།། བསད་པའི་ཤ་དང་མྱོས་པའི་ཆང་།། བཙོས་པའི་ཤ་དང་ཁུ་བ་ཁྲག། བསྲེགས་པའི་གསུང་དང་རློན་པའི
221a4 ཤ། གློ་སྙིང་ནང་རོལ་མཁལ་མར་བཅས།། རྒྱུ་མ་རྐང་དང་རུས་པ་དང་།། དམར་གྱི་ཨརྒྷཾ་རྒྱ་མཚོ་བསྐྱིལ།། གསོལ་ལོ་རོལ་ལོ་དགྱེས་པར་མཛོད། རུ་རུ་རོ་རུ་ཙ་བ་ལ་ཨ་ཤུག་མེ།། སརྦ་ཤ་ཏྲུཾ་མཱཾ་ས་ཙིཏྟ་གོ་རོ་ཙ་ན་ཁ
221a5 རི་ཁཱ་ཧི། མི་དབང་འབྲས་བུ་སྨིན་པའི་ཤ་ཆེན་དང་། ཤི་ཀའི་མཚལ་ཏིག་དམར་པོ་དང་། ཤིང་ལོ་རླུང་ཁྱེར་ས་ལ་མ་རེག་དང་། ན་ཆུང་གཞོན་པའི་བྱུང་ཚད་ཁྲག། མཐུན་པའི་མཆོད་པ་བཞེས་པར་མཛོད།། དེ་ནས
221a6 གཏོར་མ་བཏང་བར་འདོད་ན། རྩ་བའི་ཡི་གེ་ལས་སྐུར་བསྐྱེད་ནས།། སྐུ་གསུང་ཐུགས་སུ་བྱིན་གྱིས་བརླབས་ནས། ཡཾ་ལས་རླུང་དང་། རཾ་ལས་མེ་དང་། ཨ་ལས་ཐོད་པའི་ནང་དུ། དམ་ཚིག་གི་རྫས་ཀྱིས་བཀང
iiif viewer powered by OpenSeadragon
