| e-texts navigator |
| Wylie |
220b1 ཇི་ལྟར་བདག་གིས་མ་བགྱིས་ན། བདག་ཀྱང་མགོ་ཨརྫ་ཀ་ཡི་དོག་པ་བཞིན་དུ།། ཚལ་པ་བདུན་དུ་འགས་པ་དང་། མནར་མེད་པའི་དམྱལ་བ་ཆེན་པོར་རྟག་ཏུ་འགྱུར་ཏེ། སངས་རྒྱས་ཐམས་ཅད་བདག་གིས་བསླུས
220b2 པ་ལགས་སོ།། རྣལ་འབྱོར་དབང་ཕྱུག་ཆེན་མོ་རལ་པ་གཅིག་པའི་རྒྱུད་ལས། དམ་ཚིག་བསྟན་པའི་ལེའུ་སྟེ་གསུམ་པའོ།། །། དེ་ནས་ཕྱག་ན་རྡོ་རྗེས་གསོལ་པ།། བཅོམ་ལྡན་འདས་རྣལ་འབྱོར་ཆེན་མོ་རལ
220b3 གཅིག་མ་ལ། མཆོད་པ་དབུལ་བའི་ཐབས་དག་བསྟན་དུ་གསོལ། བཅོམ་ལྡན་འདས་ཀྱིས་གསུངས་པ། གསང་བའི་བདག་པོ་འདི་དག་ནི་ཕྱག་ན་རྡོ་རྗེ་ཉིད་ཀྱི་ཁྱད་པར་ཏེ། བྱང་ཤར་གྱི་རི་རབ་ཀྱི་སྟེང་ཡོངས་འདུའི
220b4 ཤིང་ལ་གནས་པ། གནོད་སྦྱིན་མོ་དམ་ཅན་གྱི་ཚུལ་དུ་གནས་པའི་བྱང་ཆུབ་སེམས་དཔའ་ཞེས་བྱ་བ་འཁོར་མང་པོ་མཐུ་ཆེ་བ། དེ་རང་བཞིན་གྱི་གནས་ནས་བཀུག་ལ་བསྟིམ་པ་དང་། གཉིས་སུ་མེད་པར་བྱ་བ་སྟེ
220b5 མཆོད་པ་ནི། སྤྱན་དྲངས་ཏེ་མཆོད་པ་དང་། འདིར་གཤེགས་མཆོད་པ་དམ་པ་བཞེས།། སྐུ་མདོག་སྔོ་ནག་རལ་པ་ཅན།། རལ་པ་བསིགས་པས་སྟོང་ཁམས་གཡོ།། སྐུ་ཡི་རྒྱན་ཏེ་གནས་ཀྱི་མཆོག། ཐུགས་དྲངས་ཁྱབ
220b6 འགྲོ་གློག་གི་བང་། ཡུད་ཙམ་བསམ་པས་གནས་སུ་ཕྱིན།། དབུ་ཡི་གཙུག་ནས་ཟླ་གསལ་རྒྱས།། མ་རིག་མུན་པ་སེལ་བའི་རྟགས། ལྟེ་བའི་དཀྱིལ་ནས་ཉི་ཤར་བས།། ཤེས་རབ་ཉི་མས་སྡུག་བསྔལ་རྒྱ་མཚོ
iiif viewer powered by OpenSeadragon
