| e-texts navigator |
| Wylie |
21b1 གསོལ།། ཆིབས་སུ་རྟ་དམར་ཡིད་མགྱོགས་ཆིབས།། ཁྱོད་ཀྱི་ཆོ་འཕྲུལ་བསྟན་པ་ནི།། གཡས་སུ་བྲོ་བརྡུང་ཚི་ལི་ལི།། གཡོན་ན་སྤྱུགས་གླུ་ཀྱུ་རུ་རུ།། རྟ་ཞོན་སྟོང་ནི་ཕྱི་ན་འབྲེང་། སྲིད་པའི་བཙན་འགོང་འཁོར་དང
21b2 བཅས།། སྐྱེས་མཆོག་དམར་པོ་སྡེ་གསུམ་ནི།། དམ་ཚིག་དབང་གིས་གནས་འདིར་བཞུགས།། དྲེ་ནག་རྟ་དམར་ལ་སོགས་པའི།། མཐུན་པའི་རྫས་ཀྱིས་ཐུགས་དམ་བསྐང་།། དམར་པོ་སྡེ་གསུམ་འཁོར་དང
21b3 བཅས།། ཇི་ལྟར་བཅོལ་བའི་ཕྲིན་ལས་མཛོད།། བང་རིམ་བཞི་པའི་བྱང་ཕྱོགས་ནས།། བི་ནཱ་ཡ་ཀ་བགེགས་ཀྱི་རྒྱལ།། ལོག་འདྲེན་ཀུན་གྱི་སྡེ་དཔོན་བཞེངས།། ན་བཟའ་མཐིང་ནག་བེར་ཆེན་གསོལ།། ཆིབས་སུ་རྟ
21b4 ནག་མགྱོགས་པ་ཆིབས།། ཁྱོད་ཀྱི་ཆོ་འཕྲུལ་སྟོན་པ་ནི།། རྒྱལ་ཆེན་བཞི་ནི་ཕོ་ཉར་འགྱེད།། ཕྱོགས་སྐྱོང་ཚོགས་ནི་ལས་ལ་འཛུད།། སྣང་སྲིད་བགེགས་ཀྱི་ཚོགས་ཀྱིས་བསྐོར།། དབང་ཕྱུག་གུ་ལང་ནག་པོ་ནི།། མུ
21b5 སྟེགས་ཚོགས་ཀྱི་སྡེ་དཔོན་བཞེངས།། ན་བཟའ་མཐིང་ནག་བེར་ཆེན་གསོལ།། ཆིབས་སུ་སྟག་སེང་མ་ཧེ་ཆིབས།། ཁྱོད་ཀྱི་ཆོ་འཕྲུལ་བསྟན་པ་ནི།། ས་གཞི་ཀུན་ནི་དམག་གིས་འགེངས།། བར་སྣང་མཚོན་དང་དར
21b6 གྱིས་བཀང་།། ནམ་མཁའ་གློག་དང་འོད་ཀྱིས་འགེངས།། གཅན་གཟན་འདབ་ཆགས་རྒྱུག་ཅིང་ལྡིང་།། མུ་སྟེགས་ནག་པོའི་འཁོར་གྱིས་སྐོར།། དམུ་བདུད་ནག་མོ་བཀྲག་མེད་ནི།། དམུ་བདུད་ཚོགས་ཀྱི་སྡེ་དཔོན
iiif viewer powered by OpenSeadragon
