| e-texts navigator |
| Wylie |
219b1 ལ།། དུག་ཤིང་བརྩེགས་པས་ཡམ་ཤིང་བྱས།། གནོད་པའི་མིང་རུས་དུ་མ་རྣམས།། རེ་རེའི་སྔོན་དུ་གསང་སྔགས་ལྡན།། བདག་ཉིད་འདོད་ལྷའི་ང་རྒྱལ་གྱིས།། རང་བཞིན་གནས་ནས་དགུག་དང་གཞུག། གཞན
219b2 ཡང་བྱས་ཏེ་རྟེན་འབྲེལ་ནི།། གླང་ཆེན་ཀླད་པ་མི་དབང་ཤ། བྱ་རོག་འུག་པ་ཤ་ཚིལ་དང་། ཤ་ཁྲག་རོ་ཡི་དུར་ཁྲག་སོགས།། སྦྱར་ནས་བཏབ་པའི་སྔགས་འདི་ཡིན།། ཨོཾ་ཙ་པ་ལ་ཨ་ཤུག་མེ།། སརྦ་ཤ་ཏུཾ་ཨ་མུ་ཀཾ་ད་ཧ
219b3 ད་ཧ། པ་ཙ་པ་ཙ། བྷ་སྨི་ཀུ་རུ་ཀུ་རུ་ཧཱུཾ་ཕཊ། མེ་ནི་སྔོ་ནག་དམར་བ་ཡིན།། ལྗང་ནག་དུད་ཁ་གཙུག་ཏུ་འཁྱིལ།། ཁམ་པའི་ཚུབ་མ་ལུ་བྱེད་འདྲ།། ཚུབ་མ་ཚ་ཞིང་ཚ་ཚ་འཕྲོ།། བབ་པའི་མེ་ལྕེ་ལྟ་བུ་ནི།། དྲག་པོའི་སྦྱིན
219b4 བསྲེག་ལྟ་བུ་ཡིན།། དྲག་པོ་ཕྱི་ཡི་ཞི་གནས་ལ།། བརྟེན་ན་གང་གི་སྦྱིན་བསྲེག་འགྲུབ།། རྣལ་འབྱོར་དབང་ཕྱུག་ཆེན་མོ་རལ་པ་གཅིག་མའི་རྒྱུད་ལས། སྦྱིན་བསྲེག་གི་ལེའུ་སྟེ་གཉིས་པའོ།། །། ཕྱག་ན་རྡོ་རྗེས
219b5 གསོལ་པ། བཅོམ་ལྡན་འདས་རྣལ་འབྱོར་ཆེན་མོ་རལ་གཅིག་མའི་དམ་ཚིག་ཇི་ལྟ་བུ་ལགས། བཅོམ་ལྡན་འདས་ཀྱིས་གསུངས་པ། གསང་བའི་བདག་པོ་རལ་པ་གཅིག་པའི་དམ་ཚིག་ནི་འདི་ལྟ་སྟེ། བདེན་པ་ལ་ཐེ
219b6 ཚོམ་མི་ཟ་བ་དང་། ཆོས་ཉིད་ལ་ཐེ་ཚོམ་མི་ཟ་བ་དང་། མངོན་པར་དགའ་བ་དང་། སྲིད་པ་ལ་མངོན་པར་ཆགས་པ་དང་། བླ་ན་མེད་པའི་དཀོན་མཆོག་གསུམ་ལ་བླང་དོར་མི་བྱེད་པ་དང་། གསང་སྔགས་ཀྱི་སྒྲ་མི
iiif viewer powered by OpenSeadragon
